అపార్ధం చేసుకోకండి. నాయకి ద్రౌపది కాదు - నవలా ద్రౌపది వచ్చింది. వెబ్సైటు నుండి ఆర్డర్ చేస్తే నిన్ననే ఇండియా నుండి వచ్చింది. చాలా కష్టపడి ఆ ప్యాకేజీ విప్పానని మా ఆవిడ చెప్పింది. ఏంటీ ఈ నవల, దీనినంత అర్జంటుగా ఇండియా నుండి తెప్పించుకునీ చదవడం అవసరమా అని అడిగింది. ఈ నవలను అర్జంటుగా చదవకపోతే కొంపలంటుకుపోతాయి అన్న లెవల్లో సీనిచ్చా. అలా అయితే ఈ నవల ముందు నేనే చదువుతా అని ముందేసుకుంది.
రెండు నిమిషాలు చదివిందో లేదో క్రిష్నుడికి ద్రౌపది సఖి అంటాడేమిటీ అని ధర్మసంధం లేవనెత్తింది. వార్నీ రెండు నిమిషాలు ఆ నవల చదివావో లేదో కథ అంతవరకూ వచ్చిందీ అని బోలెడు ఆశ్చర్యపోయా. అలా అని ఊరుకుందా - ఊరుకోలేదు - మళ్ళీ రెట్టించి అదే సందేహాన్ని అడిగింది. నా గొంతులో పచ్చివెలగకాయ పడింది. అంటే గొప్పోళ్ళ వ్రాతలు అంత వీజీగా మనకు అర్ధం కావు - నవల అసాంతమూ చదవాలి - అప్పుడు కానీ మనకు లైటు వెలగదేమో అని సెలవిచ్చాను. నిజంగానే నవల అప్పుడే శ్రీక్రిష్ణుడూ, ద్రౌపదిల సఖ్యత దాకా వచ్చిందీ అని మళ్ళీ బోల్డు హాశ్చర్యపోయా. మా ఆవిడ పేజీలు అటూ ఇటూ తిప్పి ఇంకా కథ చదవడం మొదలెట్టలా - ఇదేదో ఉపోద్ఘాతమో, మరేదో వున్నట్లుంది - అందులో వుంది అని అంది. హర్రే - ఎవరో గానీ నవలలోని సస్పెన్స్ ముందే విప్పదీసేసారా అని మళ్ళీ హాశ్చర్యపోయా!
రెండు నిమిషాలు చదివిందో లేదో క్రిష్నుడికి ద్రౌపది సఖి అంటాడేమిటీ అని ధర్మసంధం లేవనెత్తింది. వార్నీ రెండు నిమిషాలు ఆ నవల చదివావో లేదో కథ అంతవరకూ వచ్చిందీ అని బోలెడు ఆశ్చర్యపోయా. అలా అని ఊరుకుందా - ఊరుకోలేదు - మళ్ళీ రెట్టించి అదే సందేహాన్ని అడిగింది. నా గొంతులో పచ్చివెలగకాయ పడింది. అంటే గొప్పోళ్ళ వ్రాతలు అంత వీజీగా మనకు అర్ధం కావు - నవల అసాంతమూ చదవాలి - అప్పుడు కానీ మనకు లైటు వెలగదేమో అని సెలవిచ్చాను. నిజంగానే నవల అప్పుడే శ్రీక్రిష్ణుడూ, ద్రౌపదిల సఖ్యత దాకా వచ్చిందీ అని మళ్ళీ బోల్డు హాశ్చర్యపోయా. మా ఆవిడ పేజీలు అటూ ఇటూ తిప్పి ఇంకా కథ చదవడం మొదలెట్టలా - ఇదేదో ఉపోద్ఘాతమో, మరేదో వున్నట్లుంది - అందులో వుంది అని అంది. హర్రే - ఎవరో గానీ నవలలోని సస్పెన్స్ ముందే విప్పదీసేసారా అని మళ్ళీ హాశ్చర్యపోయా!
ఎనీ వేస్, ద్రౌపది వచ్చింది - ఇక ఇరగదీసెయ్యాలంతే. రాత్రే పరిచయాలూ గట్రా చదివేసి వార్మప్ అయ్యా. గొప్ప నవల కదా - గొప్ప గొప్పోళ్ళే పరిచయాలు వ్రాసేరు.
కొసమెరుపు: ఎంత తగలేసి ( మా ఆవిడ భాషలో) ఇండియా నుండి ఈ నవల తెప్పించావూ అని మా ఆవిడ ఎందుకో ఇంకా అడగలా. అడిగివుంటే ఒక సీను అయిపోయి మనస్సుకు కాస్త ప్రశాంతంగా వుండేదేమో. ఆ మధురక్షణాలు ఇవాళ వస్తాయేమోనని కాస్త ఇదిగానే వుంది.
