ఇవాళే కేంపింగుకి

విస్కాన్సిన్లో వున్న ఒక రిక్రియేషన్ ఏరియాలో కేంపింగుకి ఇంకో కుటుంబంతో కలిసి ఇవాళ వెళుతున్నాం. చుక్కల క్రింద, మబ్బుల క్రింద, ప్రకృతి సౌందర్యం మధ్య గడపాలని వెళుతున్నాం. ఈ సీజనులో కేంపింగ్ ఇదే మొదటిసారి కాబట్టి ఒక్క రోజు కోసమే వెళుతున్నాం. వచ్చేనెల  వీలయితే రెండు రోజుల కేంపింగ్ వెయ్యాలి. ఏమయినా విశేషాలు వుంటే సోమవారం వ్రాస్తాను.

నాకు వర్షం అంటే ఇష్టం. కేంపింగుకి వెళ్ళాక అక్కడ వర్షం వస్తే బావుండును. అక్కడ ఇవాళ వాతావరణం ఎలా వుందో ఇంకా చూడలేదు. ఈ దేశాలకి వచ్చాక ఇంట్లో వుంటే బయట వర్షం పడుతున్నదీ లేనిదీ అర్ధం కాని పరిస్థితి - బయటకి చూస్తే తప్ప. అందుకే అక్కడ వర్షం వస్తే టెంటులో కూర్చొని టపటప శబ్దాలు వింటూ, ఎగిరిపడుతున్న ఝల్లులో చేతులు ఆడిస్తూ, తడిచిన మట్టి వాసనను ఆస్వాదిస్తూ, ఉరుములకు, మెరుపులకు తాదాత్మ్యత చెందుతూ, ముసురుకున్న మేఘాలని అవలోకిస్తూ గడపొచ్చు. 

మీరూ కేంపింగుకి వెళుతుంటారా? వాటి కబుర్లు మాకూ చెబుదురూ.