ఆప్ విజయం - తెలుగు ముఖ్యమంత్రులకు గుణపాఠం

రోజుకో బ్రహ్మాండమయిన హామీని ఇవ్వడం, అరచేతిలో వైకుంఠం చూపడం తప్ప మన ముఖ్యమంత్రులు పెద్దగా సాధిస్తున్నదేమీ నాకయితే కనిపించడం లేదు. తమను ఎదిరించే మొనగాడు లేకపోవడం, దినపత్రికలు వారికి బాకాలుగా మారడం తదితర కారణాల వల్ల వారికి డాబుసరి పెరగడం, ఒంటెద్దు పోకడలకు పోవడం, సామాన్య ప్రజానీకానికి దూరం అవడం ప్రజలు గమనిస్తూనే వుంటారు.

మళ్ళీ ఎన్నికల నాటికి  తెలంగాణా భావోద్వేగాలు ఎలాగోలా మళ్ళీ రెచ్చగొట్టడం ద్వారా కేసీఆర్ ఎలాగోలా పబ్బం గడుపుకోవచ్చేమో గానీ చంద్రబాబు నాయుడికి అయితే ఇలాగే అలవిమీరిన శుష్క వాగ్ధానాలతో పరిపాలన సాగిస్తే మాత్రం సమస్యలు తప్పవు. మోడీ ఏం పొరపాట్లు చేస్తూ  అపజయం కొనితెచ్చుకున్నాడో ఆ పొరపాట్లకు దూరంగా మన తెలుగు ముఖ్యమంత్రులు పాలన సాగించాల్సివుంది.  ప్రజలకు కావాల్సింది వాస్తవ దూరం అయిన స్మార్ట్ సిటీలు లాంటివి కాదనీ సగటు ప్రమాణాలు అనీ వీరు గుర్తించాల్సివుంది.