కొలరాడోలోని కాయ్ మాథిస్ అనే పాపకి ఓ చిత్రమయిన సమస్య ఎదురయ్యింది. ఆ పాఠశాల వారు అమ్మాయిల టాయిలెట్ గదిని ఉపయోగించుకోనివ్వట్లేదంట. ఎందుకంటే ఆ అమ్మాయి ట్రాన్స్ జెండర్. పుట్టడం అబ్బాయి లక్షణాలతోనే పుట్టింది కానీ తాను ఐడెంటిఫై చేసుకున్నది మాత్రం అమ్మాయిగానే. అంత చిన్న అమ్మాయికి అప్పటికే ఐడెంటిఫై చేసుకోవడం వస్తుందేంటీ - తల్లితండ్రుల అతి కాకపోతేనూ అని కొందరు విమర్శకులు సన్నాయి నొక్కులు నొక్కుతున్నారు. ఈ క్రింది వార్తాంశం చదివి మీరు ఆ అమ్మాయి వైపో, పాఠశాల వైపో చెప్పండి. ఐడెంటిఫై చేసుకోవడానికి వయస్సుతో పనేముంది అని నాకు అనిపిస్తోందీ - మరీ నెలల పాప ఏమీ కాదు కదా! మనస్తత్వవేత్తల అభిప్రాయం ప్రకారం కొంతమంది పిల్లలకు మూడేళ్ళ వయస్సుకే వారి లైంగిక అస్థిత్వం తెలుస్తుంటుందిట. వారు ఆడుకొనే ఆటలను బట్టి, ఆసక్తి చూపించే వేషధారణ, దుస్తులు వగైరాలను బట్టి కూడా ఆ విషయం గుర్తించొచ్చు అనుకుంటా. శారీరక అవయవాలను బట్టి మాత్రమే జెండర్ ఐడెంటీని నిర్ధారించకూడదంట.
