పాస్‌వర్డ్ గిల్లేసిన మేనల్లుడు!

మేము కెనడాలో వుంటున్నప్పుడు తొలిసారిగా యుఎస్ నుండి మా చిన్నక్కయ్య పెద్దకొడుకు సతీసమేతంగా వచ్చాడు. నా సిస్టం తీసుకొని మామయ్యా మీ పాస్‌వర్డ్ చెప్పండి అని అడిగాడు. అరేయ్ పాస్‌వర్డ్ పెట్టుకునేదే ఎవరికీ ఇవ్వకుండా వుండటానికి. నా దాంట్లో చాలా పెద్ద పెద్ద రహస్యాలు వుంటయ్ కానీ గెస్ట్ ఎక్కవుంట్ చూసుకో అన్నాను. రియల్లీ అనేసి గెస్టు ఎక్కవుంటులో ప్రివిలేజెస్ తక్కువగా వుంటాయి కదా, ఆంటీ పాస్‌వర్డ్ చెప్పండి అని అడిగాడు. మీ ఆంటీ పాస్‌వర్డ్ ఆమెకు తప్ప మరో నరమానవుడికి కూడా తెలియదు అని నాలుక చప్పరించాను. వాడు గ్రేట్ అనేసి పోనీ స్ని అన్నాడు. అది అరుస్తుంది కానీ పాస్‌వర్డ్ ఇవ్వదు, దాన్నొదిలేయ్ అన్నాను. మా వాడు సూపర్ అని అమ్మలు ఎక్కవుంటుకి పాస్‌వర్డ్ వుండదనుకుంటా అని క్లిక్ చేసి ఆగిపోయాడు. స్ని అయినా కూడా అరిచి వదిలేస్తుంది కానీ దాన్ని పాస్‌వర్డ్ అడిగావంటే కరిచినా కరుస్తుంది అని చెప్పి గేస్టు ఎక్కవుంటుతో ఎడ్జస్ట్ అయిపో అని తాపీగా అన్నాను. 
 
అబ్బో ఈ ఇంట్లో అందరూ సెక్యూరిటీ బాగా మైంటైన్ చేస్తున్నారే అని గెస్టు ఎక్కవుంటుకి వెళ్ళాడు. మరి ఎవరి ప్రైవసీ వాళ్ళకుండాలి కదా అని డైలాగ్ వేసాను. రియల్లీ అన్నాడు వాడు సిస్టంలో ఏదో చేస్తూ యథాపలంగా.  ఓ ఇరవై నిముషాల తరువాత "మామయ్యా మీ ఎక్కవుంటులో ఎవో చాలా పెద్దపెద్ద రహస్యాలు వున్నాయన్నారు. అంత పెద్ద రహస్యాలు ఏమీ లేవే" అన్నాడు చల్లగా. "హ?!" అని ఎం ఎస్ నారాయణ ఫేసు పెట్టాను. నా పాస్‌వర్డ్ బయటకి చెప్పేసాడు. కొంపదీసి నా పాస్‌వర్డ్ మా అవిడ వినేసిందేమోనని చుట్టూ చూసాను కానీ తనులేదు.
 
ఇంకేముంది విషయం అర్ధమయిపోయింది! నా సిస్టం ఎక్కవుంటుని హ్యాక్ చేసేసాడు! ఆస్ట్రేలియాలో తాను చదువుకుంటున్నప్పుడు చేసిన హ్యాకింగ్ ఘనకార్యాలు అంతకు క్రితం రాత్రి చెబుతుంటే లొట్టలు వేసుకొని విన్నాను కానీ ఇలా నాకే ఎఫెక్ట్ అవుతుందనుకోలేదు. సరే అయిందేదో అయ్యింది కానీ ఆంటీ ఎక్కవుంట్ కూడా హ్యాక్ చేసావా అని అడిగి తన సీక్రెట్లు ఏమయినా వుంటే తెలుసుకుందామనుకున్నాను కానీ వాడు ఇంకా హ్యాక్ చెయ్యకపోయివుంటే వాడికి లేనిపోని ఆలోచన ఇచ్చినవాడిని అవుతానేమోనని నోరు నొక్కేసుకున్నాను.  
 
కట్ చేస్తే ఓ రెండేళ్ళ తరువాత న్యూజెర్సీలో వుంటున్న వాడింటికి వెళ్లాము. ఓ శుభసమయాన నేను ఒక్కడినే వున్నది చూసి "మామయ్యా, మీ పాస్‌వర్డ్ ఇంకా మార్చలేదేంటీ?"  అని చల్లగా నన్ను ఆరాతీసాడు. మళ్ళీ ఎం ఎస్ నారాయణ ఎక్స్‌ప్రెషన్ ఇద్దామనుకున్నాను కానీ ఈ సారికి కొంచెం ఎక్కువవుతుందేమోనని ఆగిపోయి "ఎందుకు బాబూ, నేను పాస్‌వర్డ్ మార్చనేల? నువ్వు హ్యాకు చెయ్యనేల? అంత శ్రమ ఎందుకులే అని మార్చుకోలేదు!" అని ఏడవలేక నవ్వాను. "మామయ్యా మీరు చాలా లాజికలుగా ఆలోచిస్తారు" అని మెచ్చుకొని "ఎలాగూ ఎవరయినా మీ పాస్‌వర్డ్ హ్యాక్ చేసేస్తారు కదా అని తేలికపాటి పాస్‌వర్డ్ పెట్టుకున్నారు కదా" అని కూడా సెలవిచ్చాడు. అప్పుడు మాత్రం ఎక్స్‌ప్రెషను ఇవ్వక తప్పలేదు.  మీ కంటే అమ్మలే నయం అనేసి స్నానం చెయ్యడానికి బాతురూముకి వెళ్ళాడు.        

9 comments:

  1. mee alluDi ni elaa contact cheyaali ?

    ReplyDelete
  2. @ కాయ
    హ?! ఎందుకు బాబూ? నా బ్లాగర్ ఐడి హ్యాక్ చేయించడానికా లేక ప్రవీణ్ ఐడి హ్యాక్ చేయించడానికా లేక వేరే ఏదన్నా పనా?

    ReplyDelete
  3. hehe bagundi nenu oka sari ma chinna anna pwd guess chesesa adi kasta correct ayindi. pichhodu antha easy pwd pettukuntada. inkepudu open cheyaledule :)annayya nuv pwd change chesuko ani cheppa simple ga ;) ippatikina change chesukunado ledo mahanubhavudu

    ReplyDelete
  4. inthaki ela unnaru saratthu ? chala rojula tharvata chustunna mi post

    ReplyDelete
  5. miru office lo undi asalu ela posts rastaru naku eppati nuncho pedda doubt work emi undada miku ;)

    ReplyDelete
  6. mundu urgent ga post heading marchandi. a heading chuste miredo mi alludu pwd gillinattuga undi theera chuste mi allude mi pwd gilladani artamayindi hehehe

    ReplyDelete
  7. nee pani ke annaay. Kalala prapancham ninnu pichoDu antundi..

    ReplyDelete
  8. @శరత్ 'కాలమ్'
    ----Breaking news-----
    "పాస్‌వర్డ్ గిల్లేసిన మేనల్లుడు!"
    "narikesina mama"
    T.V-9

    ReplyDelete