రిథ

కొన్ని నెలల క్రిందట మా మేనల్లుడికి పుట్టిన పాపకు పేర్లు సూచించమని కోరాను. గుర్తుండే వుంటుంది. చాలామంది చాలా చక్కటి పేర్లు సూచించారు. అయితే నేను సూచించిన పేరే అన్నిట్లో కన్నా బాగా నచ్చడంతో రిథ పేరు ఆ పాపకి నిర్ణయించారు. పేర్లు సూచించిన వారికి అందరికీ ధన్యవాదాలు.

అయితే ఇప్పుడే ఆ పేరుకి తగ్గ ఇంగ్లీషు స్పెల్లింగ్ గురించి వాడూ నేనూ ఫోనులో కొట్లాడుకున్నాం. తనేమో Ridha స్పెల్లింగ్ పెడితే పేరులో గాఢత వస్తుంది అంటాడు. అలాయితే రిఢ అవుతుంది కదా అంటాన్నేను.  నేనేమో Ritha అంటాను. అలా అయితే రిత అయిద్ది కదా అంటాడు వాడు. రిత కి స్పెల్లింగ్ Rita కదా అంటే అది రీటా అవుద్ది కదా అంటాడు. కాస్త ఇంగ్లీషు స్పెల్లింగుల గురించి తెలిసినవారెవరన్నా రిథ పేరుకి సరి అయిన స్పెల్లింగ్ సూచించగలరు.  పాప ఇండియాలో వుంది కాబట్టి పేరు రిజిస్ట్రేషనుకి అంత తొందరేమీ లేదు. Rhythm పదం నుండి రిథ పేరు సంగ్రహించాము కాబట్టి Rhytha వుంటే బావుంటుందంటారా? అప్పుడు చదివిన వారు రైతా అనుకుంటారేమో.