FLR - మీ సంసారం లేదా స్నేహం నిస్తేజంగా సాగుతోందా?

Female Led Relationship ప్రయత్నించి మీ సంసారానికి లేదా మీయొక్క ఏ రకమయిన బంధానికి అయినా సరే కొత్త మసాలా జత చేసి చూడకూడదూ? ఇందువల్ల చప్పచప్పగా సాగుతున్న మీ బంధంలో ఉత్తేజం పురివిప్పుకోవచ్చును. పాత పద్ధతులే పదేపదే ప్రయత్నిస్తే పాత ఫలితాలే వస్తాయి. ఆలా ప్రయోజనం శూన్యం. అంచేత భార్యా భర్తలనే కాదు మీరు స్నేహితులే అయినా ప్రేమికులే అయినా ఇది ప్రయత్నించి చూడొచ్చు. 20 రోజుల్లో మీకు అర్ధమయిపోతుంది ఇది మీ మధ్య పనిచేస్తోందా లేదా అనేది. మీకు ఇది భలేగా అనిపిస్తే కొనసాగించవచ్చు లేదా మానెయ్యవచ్చు. ఇది ప్రయత్నించి చూడటం వలన ఒక కొత్త జీవన విధానాన్ని మీరు తెలుసుకోవచ్చు.

నా వరకే వస్తే ఎన్నో ఏళ్ళుగా ఎన్నో సార్లు ఇంట్లో ప్రయత్నించా కానీ అన్ని సార్లూ విఫలం అయ్యాను. సిగరెట్ మానెయ్యడం ఏముందీ, చాలా వీజీ, నేను చాలా సార్లు మానివేసా అనే జోక్ లాగా :)). అయితే ఆ అన్ని వైఫల్యాలకూ తప్పు నాదే. అప్పుడు ఇలా ఇంత విశదంగా చెప్పేవాళ్ళు నాకు లేరు. కిందా మీదా పడి నేనే స్వంతంగా నేర్చుకుంటూ మళ్ళీ కొత్త పొరపాట్లు చేస్తూ వచ్చేను.

ఇలాక్కాదని బయట ప్రయత్నించా. భలే వర్కవుట్ అయ్యింది. మొదలు పెట్టిన దగ్గర్నుండీ విజయవంతంగా నడుస్తోంది. అదే ఇంట్లో ఎందుకు పనిచెయ్యలేదు అని పోలికలు చూసాను. చాలా కారణాలు వున్నా ముఖ్యంగా అటునుండి కమ్యూనికేషన్ గ్యాప్. అందుకు తగ్గట్టుగా నేను సర్దుకోగలిగితే ఇంటా కూడా ఇది పనిచెయ్యొచ్చు. ఇప్పుడు నాకో సందిగ్దం. చాలా సార్లు ఇందులో ఫెయిల్ అయ్యా కాబట్టి ఇక దీన్ని అలా వదిలెయ్యడమా లేక మరోసారి ప్రయత్నించి చూడటమా? మీరు ఏమంటారు?

ఇప్పుడు మీకో ప్రశ్న. మీ స్నేహం వైరంగా మారుతోంది లేదా మీ ప్రేమ పగగా మారుతోంది లేదా మీ పెళ్ళి పెటాకులయ్యేట్టుగా వుంది. ఎంతో, ఎన్నో ప్రయత్నించారు కానీ లాభం లేదు. ఏం చేస్తారు? ఇలా ప్రయత్నించి చూడవచ్చును. క్లిక్ అయితే ఇంకా పైగా కిక్ వస్తే ఇది కొనసాగించెయ్యడమే.

పాత కంప్యూటర్ పాడయిపోయింది. కొత్త కంప్యూటర్ ఇంకా కొనలేదు. అందుకే ధారాళంగా వ్రాయలేకపోతున్నా. సెల్ ఫోనులో ఇలా వ్రాసెయ్యడం కష్టంగానే వుంది.

For more details on FLR you may visit aboutflr.com


No comments:

Post a Comment