బ్లాగిల్లు బావుంది


బ్లాగిల్లు సంకలిని http://www.blogillu.com/  బావుంది. హారం మూతపడ్డ తరువాత కూడలి మాత్రమే చూస్తూ వస్తున్నాను.  అది పెద్దగా నచ్చకపోయినా అలాగే నెట్టుకుంటూవచ్చేస్తున్నా కానీ ఈమధ్య బ్లాగిల్లు, బ్లాగు వేదిక ఎలా వుంటాయో చూసాను. అందులో బ్లాగిల్లు నచ్చింది. నచ్చడానికి మరో కారణం వ్యాఖ్యల సైటు వుండటం కూడానూ. అయితే కొంతమంది ఈమధ్య విమర్శిస్తున్నట్లుగా రెండు మూడు బ్లాగుల నుండే ఎక్కువ వ్యాఖ్యలు కనపడుతూ చిరాకు అనిపిస్తోంది. కొంతమంది సూచించినట్లుగా వీలయితే ఆ బ్లాగులకు/సైట్లకు ఒకవైపు జాగా కెటాయించడం ద్వారా ఆ సమస్య పరిష్కరించవచ్చనుకుంటా.

వార్తలూ, సినిమా వార్తలూ, కాపీ అండ్ పేస్ట్ బ్లాగులను నిరోధిస్తే బ్లాగిల్లు ఇంకా బావుంటుంది.

చదువుతున్నా... The Happiness Trap పుస్తకం

రుణాత్మక ఆలోచనల (నెగటివ్ థాట్స్) విషయమై కొంతకాలం క్రితం వరకు వచ్చిన చాలా పద్ధతులు కాగ్నిటివ్ బిహేవియరల్ థెరపీ (CBT) లాంటివి ఆయా ఆలోచనలను నిరోధించి మన మనస్సు నమ్మినా నమ్మకపోయినా ధనాత్మక ఆలోచనలను ఆలోచిస్తుండాలని చెబుతాయి. అలా చెప్పుకోగా చెప్పుకోగా మన మనస్సు ఆ పాజిటివ్ థాట్స్ ను విశ్వసించి మనలో మెరుగుదలకు తోడ్పడతాయి అని చెబుతాయి.

కొన్నేళ్ళ క్రితమే వచ్చిన ఏక్సె్‌ప్టాన్స్ అండ్ కమిట్మెంట్ థెరపీ (ACT) అలా మనస్సుతో యుద్ధం చెయ్యడం వల్ల లాభం లేదనీ, అలా చెయ్యడం మన శక్తి యుక్తులని వృధా చేసుకోవడమే అనీ,  మన మనస్సుతో రాజీపడాలనీ చెబుతుంది. ఇలా ధనాత్మకంగా ఆలోచించగానే అలా మన మనస్సు ప్రభావితం కాదనీ, అది చాలావరకు వృధా ప్రయత్నం అని చెబుతుంది. అందుకు బదులుగా ఆయా ఆలోచనల మీద యుద్ధం మానివేసి వాటిని యథాతథంగా ఆమోదించేసి ఇహ వాటిని పెద్దగా పట్టించుకోకుండా డిఫ్యూజ్ చేసివేస్తూ మన విలువల ప్రకారం, లక్ష్యాల ప్రకారం అడుగు వేస్తూ పోవడమే ఉత్తమం అంటుంది. 

నా వరకు CBT కంటే ACT కన్విన్సింగుగా వుండి దానికి సంబధించిన పుస్తకాలు చదువుతున్నా. మిగతాకొన్ని రుగ్మతలతో పాటుగా  మైల్డ్ మరియు మోడరేట్ మానసిక కృంగుబాటు వున్నవారికి CBT, ACT, తదితర పద్ధతులు ఉపకరిస్తాయి. క్లినికల్ కృంగుబాటు వున్నవారికి మందులతో పాటు ఈ పద్ధతులు ఉపకరిస్తాయి. నేను చదువుతున్న పుస్తకం వర్శన్ ఇల్లస్ట్రేటెడ్ కాబట్టి కామిక్స్ చదివినట్లుగా సరదాగా వుంది. నెగెటివ్ థాట్స్ తో ఇబ్బంది పడుతున్న ఎవరయినా ఇలాంటి పద్ధతులు పాటించి ఆలోచనా విధానాన్ని మార్చుకోవచ్చు.

ఆ పుస్తకం యొక్క అమెజాన్ లింక్ ఇది. ఇక్కడ ఆ పుస్తకం యొక్క సమీక్షలు కూడా మీరు ఇక్కడ చదవవచ్చు: