పల్లె జీవనంకై పరుగులు పెడుతున్న నా మనస్సు

ఏంటో ఈ కృత్రిమ ప్రపంచం, కృత్రిమ బంధాలు చూసి చూసి విసుగొస్తోంది. నేను చిన్నప్పుడు పెరిగిన పల్లె జీవనం రారామ్మంటోంది. అలా అని అప్పుడున్న పెల్లె వాతావరణం ఇప్పుడు వుండకపోవచ్చు కానీ ఏదయినా మారుమూల పల్లె వెతుక్కోవాలేమో. చిన్నప్పుడు ఎంత బావుండేదీ. టివీలూ, నెట్టులూ లేక అంత బాగా ఆరుబయట అందరం రేడియో వింటో కబుర్లు చెప్పుకునేవారం. అలాంటి జ్ఞాపకలు ఎన్నెన్నో.

మా కజిన్ ఒకరు ఎంచక్కా తన కుటుంబాన్ని సిటీలో వుంచి తన పల్లెల్లో వ్యాపారాలు పెట్టాడు. కోళ్ళ పెంపకం, గొర్రెల పెంపకం, పాడి మొదలయినవి. అబ్బా, నాకయితే అక్కడికి రెక్కలు కట్టుకొని వాలాలని అనిపిస్తోంది. ఎప్పుడూ కంప్యూటర్ డబ్బా ముందు ముఖం వేలాడేసుకొని చేసే ఉద్యోగాలు చేసిచేసి విసుగొస్తోంది. అలా పల్లెలో పచ్చని పరిసరాల మధ్య, పెంపుడు జంతువుల మధ్య తిరిగుతూ శ్రమిస్తూ వుంటే ఎంత బావుంటుందో అనిపిస్తుంది. 

నేనూ తన వ్యాపారంలో జత కలుస్తా అంటే సంతోషంగా తను ఆహ్వానించవచ్చు కానీ తీరా తట్టాబుట్టా సర్దుకొని వచ్చాకా అది నా వల్ల కాకపోతేనో? ఆ వ్యాపారం సరిగా నడవకపోతేనో? ఈ సారి ఇండియా వచ్చినప్పుడు ఓ నెల రోజులు అక్కడ గడిపి ట్రయల్ చూడాలి.

మీ సలహా ఎంటి? మీ ఇంట్లో వారి అభిప్రాయం తెలుసుకోండి అనేటటువండి రొటీన్ సలహాలు ఇవ్వకండేం.

ఓకవేళ పూర్తిగా తరలి రావడానికి ప్రాక్టికల్ గా సాధ్యపడకపోతే ఏడాదికి ఒకసారయినా వచ్చి ఓ నెల రోజులయినా పల్లెల్లో గడిపి వెళ్ళాలనేది నా ప్లాన్ B.

ఏమీ వ్రాయాలన్పించడంలే...

...అందుకే వ్రాయట్లా.

నాకున్న కొద్ది మంది శ్రేయోభిలాషులు నా గురించి ఖంగారు పడకుండా వుండటానికి ఇలా తెలియపరుస్తున్నాను. 

మళ్ళీ వ్రాయాలనిపించినప్పుడు వ్రాసేద్దాం.

ఏంటో కానీ బ్లాగు లోకం (కూడా) బోర్ కొడుతోంది.

ఇల్యూజన్ పోస్టర్

ఈ ఇల్యూజన్ పోస్టర్ చూడండి. గ్రేటాంధ్రా లో వచ్చింది - నాకు నచ్చింది.

http://greatandhra.com/viewnews.php?id=45565&cat=1&scat=26

మీకు థైరాయిడ్ సమస్య వుందా లేక ఆ అనుమానం వుందా?

థైరాయిడ్ సమస్యలు ఒక నిశ్శబ్ద ఉపద్రవం లాగా విస్తరిస్తున్నాయి. ముప్పయి ఏళ్ళు దాటిన మహిళల్లో కాస్తయినా థైరాయిడ్ అపసవ్యత లేకపోతే ఆశ్చర్యపోతాను నేను. అలాగే పిల్లల్లో కూడా పెరుగుతోంది. ఎప్పుడో చదివిన చదువుల అధారంగా లేదా బూజు పట్టిన ప్రమణాల ఆధారంగా చికిత్స చేసే చాలామంది డాక్టర్లు, ఎండోక్రైనాలజిస్టుల  వల్ల ఎంతోమందికి ఈ సమస్య వున్నా, వారికి చూపించుకుంటూనే వున్నా ఫలితం లేక మౌనంగా అవస్థపడుతున్నారు. నేచురోపాత్ లూ, ఆస్టియోపాత్ లు, ఏంటీ ఏజ్ స్పెషలిస్టులూ మాత్రం పేషెంట్లను  సమగ్రంగా పరిగణలోకి తీసుకుంటూ ఈ విషయాల్లో ముందున్నారు. 

నాకు కూడా డాక్టర్లు ఎన్నో ఏళ్ళుగా మిగతా పరీక్షలతో పాటుగా థైరాయిడ్ పరీక్ష చేస్తూనే వున్నా సమస్య గుర్తించలేకపోయారు. కారణం - బూజు పట్టిన పద్ధతులలో వారు పరీక్షించడం.  థైరాయిడ్ అనగానే ఏదో పెద్ద మహా రోగం అనుకునేరు. కాదు. చాలామందికి వుంటుంది - అందులో చాలామందికి తమకు వున్నట్లుగా తెలియదు. అనుమానం వచ్చి వైద్యుడికి దగ్గరికి వెళ్ళి పరీక్షించుకున్నా వారు భేషుగ్గా వున్నారని చెప్పడంతో ఇహ చేసేదేమీ లేక మౌనంగా అవస్థపడుతుంటారు. కొద్దిమంది డాక్టర్లకి మాత్రమే ఈ విషయాల్లో మంచి అవగాహన వుంటుంది. వాళ్ళు మాత్రమే ఈ సమస్యను గుర్తించి చికిత్స చెయ్యగలుగుతారు. 

మీలో ఎవరికయినా థైరాయిడ్ సమస్య వుండి ట్రీట్మెంట్ తీసుకుంటున్నా కూడా లక్షణాలు, ఇబ్బందులు తగ్గకపోయినా, లేదా అది వుండొచ్చనే అనుమానం వున్నా  మీకు గైడెన్స్ కావాలంటే నేను ఇవ్వగలను. నాకు మరియు నా ఫామిలీకి ఈ ప్రాబ్లెం వుంది కాబట్టి దీని మీద నేను ఎంతో చదివాను, ఎన్నో వ్యాసాలు పరిశీలించాను, ఎన్నో పేషెంట్ ఫోరంస్ తిరగవేసాను. ఆ రకంగా ఈ విషయంపై అవగాహన పెంచుకున్నాను. మీ డాక్టరుతో ఏం మాట్లాడాలో లేదా ఎలాంటి డాక్టరుని ఎన్నిక చేసుకోవాలో, ఎలాంటి రక్త పరీక్షలు చెయ్యించుకోవాలో, ఫలితాలను ఎలా విశ్లేషించుకోవాలో, ఆ వాల్యూస్ ఎంత వుండాలో  సూచించగలను.  నా ఈమెయిల్ ఐడి sarathn at hotmail dot com. ఎందుకయినా మంచిది నలభై ఏళ్ళు దాటిన వారు ఓ సారి ఈ పరీక్షలు చేయించుకుంటే మంచిదని నా అభిప్రాయం. ఈ క్రింది లింకును నొక్కి ఆ సైటుకి వెళ్ళి అక్కడ ఇచ్చిన లక్షణాల లిస్టును పరిశీలించండి.  ఆ లక్షణాలలో కొన్ని అయినా వుంటే మీకు థైరాయిడ్ సమస్య వుండే అవకాశం వుంది.

హైపో థైరాయిడిజం లక్షణాలు: 
http://www.stopthethyroidmadness.com/long-and-pathetic/

 హైపర్ థైరాయిడిజం లక్షణాలు:
http://en.wikipedia.org/wiki/Hyperthyroidism#Symptoms_and_signs
 

మేం తిని తాగి తొంగోవడమే కాకుండా ...

...వాలీబాల్ కూడా ఆడేద్దామని డిసైడ్ చేసినం. ఈమధ్య ఓ రెండు జెంట్స్ పార్టీలు ఏర్పాటు చేస్కున్నాం కదా. అలాంటి పనికిమాలిన పనులతో బాటుగా కాస్త పనికి వచ్చే పనులు కూడా చేస్తే ఎలా వుంటుందని మాకు అనిపించింది. అందుకే అలా ఆడెద్దామని నిర్ణయించాం. ఇదేం విశేషం కాదనుకోండి. మీలో కొంతమంది అయినా మీ స్నేహితులతో కలిసి క్రికెట్టో మరొహటో ఆడుతూవుండొచ్చు.

వాతావరణం మెరుగుపడుతోంది, చల్లదనం తగ్గుతోంది కాబట్టి ఇక కొద్దిరోజుల్లో వాలీబాల్ మొదలెట్టాలి. మాతో పాటు మా ఫ్యామిలీస్ కూడా ఆడుతారు. వారికీ వ్యాయామం కావాలి కదా. నాకయితే ఈ ఆట అస్సలు రాదు. మిత్రులు నేర్పిస్తామని చెప్పారు. అసలు ఇలాంటి ఆటలు ఎప్పుడో మొదలెట్టాల్సి వుండెను కానీ పలు కారణాల వల్ల సాధ్యం కాలేదు. ఇప్పుడు పార్టీలు చేసుకుంటూవుండటం వల్ల కొంతమందికయినా ఉత్సాహం వచ్చింది. 

గత ఏడాది వ్యాయామంగా కూడా వుంటుందని గార్డెన్ స్పేస్ రెంటుకి తీసుకొని కూరగాయలు పండించాం కానీ అది కాస్త దూరం అవడం వల్ల ఈ ఏడాది నేను దాని జోలికి వెళ్ళడం లేదు.  గత ఏడాదే కష్టకష్టంగా అది పూర్తి చేసాం.