శరత్తుగాడి ఉమ్మి కథ

కెనడాలో వున్నప్పుడు కొద్దిరోజులు ఒక తెల్ల వనిత ఇంట్లో పేయింగు గెస్టుగా వున్నాను. ఆమె చూడటానికి బావుండేది కాదు లెండి. గది ఇచ్చేముందు కొన్ని సూచనలు చేసింది. మీ మగాళ్లందరూ స్నానాల గదిలో ఊంచుతూ వుంటారు - అలా ఊంచవద్దు అని చెప్పింది. అలాగే అని అడ్డగాడిదలా తల ఊపాను కానీ ఆ తరువాత నాకో సందేహం వచ్చింది -  అందులో ఏమయినా ద్వందార్ధం వుందా అని. ఆమె నోట్లో నుండి ఊంచడం గురించి చెప్పిందా లేక మరో చోట నుండి ఊంచడం గురించి చెప్పిందా అనేది నాకు అర్ధం కాలేదు. ఆమె మాటలకు తాత్పర్యార్ధాలూ, నానార్ధాలూ ఏం కోరతాం? దానికి పెడార్ధాలు తీసి పెడితేనో. ఆమె మనస్సు అంత మంచిది కాదు కూడానూ. 

సరేలే వర్క్ టూ రూల్ అనుకొని ఆ స్నానాల గదిలో పైనుండి మాత్రం ఊంచేవాడిని కాదు కానీ క్రింది నుండి మాత్రం క్రమం తప్పకుండా ప్రతిరోజూ ఉమ్మి వేసేవాడిని. నీళ్లకు కొట్టుకొనిపోయేది కాబట్టి అమెకు కనపడేది కాదు. ఆ తరువాత భుజాలెగరేసి బయటకి వచ్చేవాడిని.