2009 లో నాకు నచ్చిన పది అత్యుత్తమ టపాలు.

ఇవన్నీ చదివి ఆనందించండేం: 

http://blogzine.sahityaavalokanam.gen.in/2009/12/blog-post_19.html

http://blogzine.sahityaavalokanam.gen.in/2009/10/blog-post_31.html

http://blogzine.sahityaavalokanam.gen.in/2009/10/blog-post.html

http://blogzine.sahityaavalokanam.gen.in/2009/10/blog-post_27.html

http://blogzine.sahityaavalokanam.gen.in/2009/11/blog-post_25.html

http://blogzine.sahityaavalokanam.gen.in/2009/11/blog-post.html

http://blogzine.sahityaavalokanam.gen.in/2009/12/blog-post_30.html

http://blogzine.sahityaavalokanam.gen.in/2009/12/blog-post_18.html

http://blogzine.sahityaavalokanam.gen.in/2009/12/blog-post_22.html

http://blogzine.sahityaavalokanam.gen.in/2009/12/blog-post_8479.html

అవార్డ్ వాలే భాగో భాగో

(Edited)


ఈ మధ్య తమకు తాము క్లాసు అనుకొనే జనాలకు మాస్ అంటే చాలా లోకువ అయిపోయింది. బ్లాగ్లోకంలో ఎక్కడ చూసినా మా లాంటి మాసోళ్ళ మీద చులకనగా మాట్లాడేస్తున్నారు.  వాళ్లకు నచ్చినట్లుగా రిక్షా పుల్లర్లూ, ఆటో ద్రైవర్లు  మరియు నా బాపతు లాంటి మాస్ జనాలందరూ కూడా అవార్డ్ సినిమాలే చూడాలంట. కాస్తంత వినోదం కోసం ఐటెం సాంగులు చూస్తే అది సెక్స్ కి మొఖం వాచి చూసినట్లట. ఇదివరకటి రోజులే బావుండేవేమో. ఎంచక్కా ఊర్లల్లో భోగం మేళాల డ్యాన్సులూ, రికార్డింగ్ డ్యాన్సులూ, మధ్యలో కేతిగాడి కవ్వింపులూ ఏ మేధావులూ కనుచూపుమేరలో లేకుండా హాయిగా, మనస్ఫూర్తిగా పెద్దలూ, పిన్నలూ ఆనందించేవారు.  

ఇప్పుడవన్నీ పోయినాయి పోనీ కనీసం సినిమాల్లో కూడా అలాంటి ఐటెం సాంగులు చూడొద్దంటున్నారు (Edited). ఇప్పటికీ తెలుగు ఛానళ్ళలో ఒద్దున అంతా భక్తి కార్యక్రమాలతొ చావగొడుతున్నారు. రోజంతా అవే వుండాలనీ లేదా రోజంతా అవార్డ్ సినిమాలూ, అవార్డ్ గీతాలు మాత్రమే వుండాలని (edited) అభిప్రాయమేమో. 'రింగా రింగా' . 'ఆకలెస్తే అన్నం పెడతా' లాంటి మాస్ పాటలని, సినిమాలని నిషేధించి కేవలం క్లాస్ సినిమాలనే ప్రజలు చూసేట్టుగా చేయాలనీ దాదాపుగా తీర్మానించేస్తారులాగుంది. మన అదృష్టం బావుండి వీళ్ళ చేతిలో సినిమా రంగం లేదు గానీ వుంటే ఓ ఫత్వా అర్జంటుగా పాస్ చేద్దురు వీళ్ళంతా. 

మాస్ కూ మనస్సు వుంటుంది, దానికి వినోదం కావాలి అని కాలం గారు ఎన్నడో చెప్పారు. ఈ కాలం ఎవ్వర్ అని మధ్యలో కుశంకలు తీయకండి. నేను ఇటు క్లాసు, అటు మాసు. నేను సమైక్యవాదిని. నా మనో భావాలు అర్జంటుగా గాయపడ్డాయి. నాలో ఆత్మన్యూనత ఎక్కువయ్యింది. నాకు అర్జంటుగా ఓదార్పు, సానుభూతి కావాలి. ప్లీజ్.    

ఈ బ్లాగ్లోకంలో అందరూ తెగ చదివినవారే ఎక్కువకావడంతో మేధావులతో పాటు మేతావులు కూడా చాలా మందే వుంటుండటంతో మాస్ కి రిప్రజెంటేషన్ లేకుండా పోయింది. అందుకే అఖిలాంధ్ర మాస్ జనాల పక్షాన నేను ఒక సంస్థను స్థాపించి అధ్యక్షుల వారిగా ప్రకటించేసుకుంటున్నాను. దానిపేరు మాస్ ప్రజా హక్కుల సమితి. మాస్ అన్నా ప్రజలే కదా మళ్ళీ ఆ పేరులో ప్రజలెందుకు అని చొప్పదంటు ప్రశ్నలేయకండి. ఏ పేరులోనయినా ప్రజా అనేది వుంటేనే ప్రజలకి కిక్కు, కక్కు వస్తుంది. అనగా భావోద్వేగాలు బాగా పుడతాయన్నమాట. 

మాలాంటి మాస్ జనాల మీద అవాకులూ, చవాకులూ వ్రాస్తే బ్లాగుల్లో టపాలు కత్తిరిస్తాం (నాలుకలు కత్తిరిస్తాం అన్న టైపులో చదువుకోవాలని మనవి). ఏంటో ఇంకా నాకు కే సీ ఆర్ స్టైల్ బూతులు అలవాటు పడలేదు. 'తెలంగాణా బూతులు ఫర్ ఇడియట్స్' అన్న పుస్తకం చదివి ప్రాక్టీసు చేసి త్వరలో మీమీదకి వదులుతా. 

మా MPHS (మాస్ ప్రజా హక్కుల సమితి) తరఫున కొన్ని ఫత్వాలని జారీ చేస్తున్నాను:
- అవార్డ్ సినిమాలను నిషేధించాలి ( అంటే నాకు వ్యక్తిగతంగా అవార్డ్ సినిమాలు, క్లాస్ సినిమాలు అంటే ఇష్టం లేదని కాదు గానీ చంద్రబాబు లాగా వ్యూహాత్మక మౌనం పాటిస్తున్నాను. అలా వుండకపోతే నేనూ అవార్డువాదినని మాసువాదులు నా తోకలు కత్తిరిచ్చేస్తారు - అధ్యక్షులవారిని అని కూడా చూడకుండా. ష్! ) 
- ప్రొద్దుటే భక్తి కార్యక్రమాలకు బదులుగా మాస్ సినిమాలు ప్రసారం చేయాలి. లేకపోతే కేబుల్ వైర్లు కట్.
- మాస్ కు అంతటికీ ప్రత్యేక రాష్ట్రం ఏర్పడాలి. మరీ క్లాస్ వాళ్ళని పాకీస్థాన్ పంపించివేయాలి.
- గట్రా, గట్రా, గట్రా.... 

మజ్లిస్ మతలబు ఏంటి?

ఇంత తెలంగాణా, ఆంధ్ర, సమైక్యాంధ్ర ఉద్యమాలు జరుగుతున్నా ఎక్కడో ఏదో మసలా తక్కువయినట్లుగా, కాస్త చప్పగా అనిపిస్తోంది. ఏంటని ఆలోచిస్తే జై హైద్రాబాద్ అనకుండా మజ్లిస్ కానీయండీ, (తీవ్ర) ముస్లిములు కానీయండీ గొడవ పెట్టకుండా గమ్మున వుండటం! ఇప్పటివరకు ఈ తెలంగాణా ఉద్యమాన్ని 3D లో చూస్తున్నాం - ఇక వాళ్ళు కూడా ఎంటరయితే ఎంచక్కా ఇక ఈ దృశ్యాన్ని 4D లో చూడొచ్చు కానీ వాళ్ళీ రారే? ఎందుకబ్బా?  

వాళ్ళు ఇంత మౌనంగా వుండటం ఆశ్చర్యం అనిపిస్తోంది. సాధారణంగా దుందుడుకుగా అనిపించే మజ్లిస్ ఈ సారి మన్ను తిన్న పాములా అలా అలా పడి వుండటములో మతలబేంటో ఎంత బుర్ర గీక్కున్నా అర్ధం కావడం లేదు. టివి వాళ్లయినా ఎవరయినా వాళ్ళని ఇంటర్వ్యూ చేసి కూపీలాగుతారేమో అంటే నేను చూసే ఛానళ్ళలో లాంటిదేమీ కనపడలా.

బ్లాగర్ అప్పరావు శాస్త్రి మాత్రం దీని గురించి ఒక అభిప్రాయం ఇచ్చారు. తెలంగాణా ఏర్పడక పోతుందా అప్పుడు మేము చూసుకోకపోతామా అని ఎలాగయితే మావోయిస్టులు, ఇతర తీవ్రవాద వర్గాలవారుఎదురుచూస్తున్నారో అలాగే తెలంగాణా ఏర్పాటయాక అప్పుడు పండగ చేసుకుందాం అని వాళ్ళు ఎదురుచూస్తున్నారో ఏమో. లేకపోతే ఈ తెలంగాణా వచ్చేదా, సచ్చేదా - ఆ అంతకూ తెలంగాణా వస్తుందనుకున్నప్పుడు కే సీ ఆర్ భుజం మీద తుపాకీ పెట్టి హైదరాబాద్ పిట్ట కాల్చవచ్చునులే - ఇప్పటినుండే ఈ శోష ఎందుకులే అనుకుంటున్నారా ఏమిటీ?   

ఇప్పటివరకు మాత్రం గ్రేటర్ హైద్రాబాద్ ఎమ్మెల్యేలు హైదరాబాద్ తరఫునా, మోహన్ బాబు ముస్లిముల తరఫునా హైదరాబాద్ గురించి వకాల్తా పుచ్చుకొని మాట్లాడటమే కానీ అసలు నవాబులు ఎక్కడయా బాబూ? నోరు మెదపరేం? వాళ్ళు కూడా 'సందట్లో సడేమియా'లాగా మా హైద్రాబాద్ మాది అని బయలుదేరితే వుంటుందీ మజా. టివి ఛానళ్ళకి లాగా అబ్బ నాకూ, నా బ్లాగుకీ పండగే అనుకోండి.  

ఆహా, అప్పుడు ఈ ఉద్యామాలని IMAX 3D లోనో 4D లోనో చూస్తూ పండగ చేసుకోవచ్చు. ఇప్పటికి దాదాపు నెలరోజుల నుండి వుంటున్న వినోదం ఇంకా అలా అలా నిరవధిక బందు ల్లాగా నిరవధికంగా సాగిపోతూనే వుండాలని నా ఆకాంక్ష. దీనినే అంటారు ఏడవలేక నవ్వడం అని. ఏం చేయమంటారు. రేప్ తప్పనిసరి అయినప్పుడు ఎంజాయ్ చెయ్యమని మా భవానీ శంకరం ఎప్పుడూ చెబుతూనే వుంటాడు. తెలంగాణా వాదుల ఎమోషనల్ బలాత్కారం - తప్పనప్పుడు, తప్పనిసరి అయినప్పుడు ఏదో విధంగా, ఇదో విధంగా నయినా పండగ చేసుకోవాల్సిందే. అదే నేనిక్కడ చేస్తూంట. 

కెలకండయ్యా బాబులూ, ఎవరయినా ముస్లిముల్నీ, మజ్లిస్సునీ కెలకండి! రాష్ట్రంలో ముసలం పుట్టే ఏర్పాట్లు చేయండి!
జై హైద్రాబాద్!!
జై పాతబస్తీ!!!   

ఆత్మ లోపించిన అవతార్

సినిమా సాంకేతికంగా అద్భుతంగా వుంది. అందులో సందేహం లేదు కానీ ఎమోషన్స్ కొద్దిగా వున్నా అవి పండలేదు. హృదయాన్ని ఏమాత్రం తాకలేదు. అలా అనిపించడానికి కారణం మరి నా 'దృష్టి' లోపమో లేక సినిమాలోని లోపమో మరి. లేక సినిమా మీద రివ్యూలు, అభిప్రాయాల విషబీజాలు నాటుకున్నందువల్ల అలాంటి రంధ్రాన్వేషణ చేసేనేమో మరి!  నాకు ఎందుకు అలా అనిపించిందో, ఎక్కడ అనిపించిందో వివరంగా చెప్పి ఇకముందు సినిమా చూడబొయేవారిని నేను కూడా స్పాయిల్ చెయ్యదలుచుకోలేదు. 

మా ఇంట్లో వారి అభిప్రాయాలు:

చిన్నపాప: It's so cool. I loved it. నచ్చిన/కదిలించిన దృశ్యాలు: హీరోయిన్ తండ్రి చనిపోయిన సంఘటన, చివరి దృశ్యాలు  
పెద్దపాప: బావుంది. రెండు సార్లు ఏడ్చిందిట! నవి ల చెట్టు కూలగొడుతున్న దృశ్యాలు, హీరోయిన్ తండ్రి చనిపోయిన దృశ్యాలలో ఏడ్చిందిట. మా పాప నెగటివ్ బౌన్సర్లు వెయ్యలేదు - సంతోషం. 
మా ఆవిడ:  బాగానే వుంది
నేను: బావుంది. టెక్నికల్ వండర్

సోనియాకు ఎక్కిన కిక్కు!

కిక్ సినిమాలో నాకు బాగా గుర్తుకువచ్చి మనస్సులో పగలబడి నవ్వుకునే సన్నివేశాల్లో ఒకటి - పోలీసు స్టేషను సీను. అందులో రవితేజ మరియు షియాజీ కలిసి జయప్రకాశ్ రెడ్డిని మధ్యలో పెట్టి ఆడుకుంటారూ. అదన్న మాట. చివరికి అతగాడి బట్టలు ఊడిపోతాయి ఇద్దరి మధ్య. 

ఈ సమైక్యాంధ్రా, తెలంగాణా భావాల మధ్య పెనుగులాటల్లో సోనియా పిల్లి మొగ్గలు చూస్తుంటే ఆ సినిమాలోని ఆ సీన్ బాగా గుర్తుకువస్తోంది. వచ్చేఎన్నికల్లో కాంగ్రెస్సు పార్టీకి ఇక బట్టలు ఊడటమే మిగిలివుంది.    

అవెటారం 'అనుభవించు' రాజా!

నేను నాస్తికుడినే కానీ జీవితంలో మహా బాగా కష్టాలు వచ్చినప్పుడు మాత్రం ఆదేవదేవుని వేడుకుంటూవుంటాను. అలాంటి మహా కష్టం ఇప్పుడొకటి వచ్చి పడింది. వచ్చే ఆదివారం అవెటార్ (అవతార్ అందామంటే మా చిన్న పాప ఒప్పుకోవడం లేదు) సినిమా చూడాలని డెసైడ్ చేసాం. IMAX 3D కి అడ్వాన్సుడ్ టికెట్లు కూడా బుక్ చేసాం. ఇంకేదిరా భై హాయిగా చూడుర భై అంటున్నారు కదా భాయ్ సాబ్. అక్కడె వచ్చింది చిక్కు. ఎలా చూడాలి ఈ సినిమాను? చూడాలా అనుభవించాలా? చూస్తే రంధ్రాన్వేషణ చేస్తూ విమర్శకుడిలా చూడాలా లేక సాధారణ ప్రేక్షకుడిలా సినిమా చూస్తూ కళ్ళు తేలవేయాలా? మెసేజీ కోసం చూడాలా మాస్ సినిమా చూసినట్లు చూడాలా? సినిమా చూసిన ఒక్కొక్కరు తమ తమ అమూల్యమయిన అభిప్రాయాలను సెలవిచ్చారు. ఇప్పుడు నేను ఏ అభిప్రాయంతో చూడాలి? కొంతమంది అయితే ఎంచక్కా కథ అంతా చెప్పెసారు. కొంతమంది కథే లేదు పొమ్మన్నారు. కొంతమంది మెసేజ్ లేదన్నారు, కొంతమంది ఏలియన్స్ అంటారు కానీ అవి కాదన్నారు. కొంతమంది  హీరోవి తారక రత్న హావభావాలు అన్నారు. అసలెవరూ హీరోయిన్ను గురించి మాట్లాడలా. అసలు ఈరోయిన్ను వుందాలేదా? ఈరోయిన్ను లేకపోతే ఇంకా సినిమా ఎందుకు చూడటం?


కొంతమంది ఆ ఏముంది మన పురాణాలూ, మన నీలి కిష్టుడే గదో అన్నారు. మన తోకల కోతులే - వానర సైన్యం అన్నారు. ఇంకా ఎవరెవరో చిత్రాన్ని అనుభవించకుండా మేధావితనం మహా బాగుగా పెట్టి మరీ 'చూసి' రంధ్రాన్వేషణ బాగానే చేసారు. ఇన్ని అభిప్రాయాలు చదివి ఇన్ని కుశంకలతో సినిమాకి వెళ్ళి నా మొఖం ఇంకా నేను అనుభవించేదేమిటి? సున్నా నేమో. సినిమా చూడటం అనే కళ ఏమాత్రం తెలియని వారు సినిమాలు చూసి సినిమాలోని లోపాలు మహా గొప్పగా విశదీకరించారు. ఇవన్నీ మనస్సులోకి రాకుండా మానసిక నిగ్రహంతో ఈ సినిమా చూడటం ఎలా గబ్బా. ఇంకో చిన్న ఇబ్బందీ వుంది. ఎలాంటి రివ్యూలూ, అభిప్రాయాలూ చూడని, చదవని నా భార్య సినిమాను 'అనుభవిస్తుంటే' నాకు మాత్రం సినిమా 'చూడాల్సిన' అగత్యం పడుతుందేమోనని నాకు యమ కుళ్ళుగా వుంది. నోరు తెరచుకొని మా ఆవిడగారు సినిమా చూస్తుంటే నోరు మూసుకొని సినిమాను చూడాల్సిన ఖర్మ పట్టదు కదా అనేది నా బెంగ.

అందుకే అదేదో సినిమాలో భోజనానికి ముందు వెంకటేష్ దైవ ప్రార్ధన చేసినట్లు ఈ నా ఘోర కష్టాన్ని తీర్చవలసిందిగా సినిమా ప్రారంభానికి ముందు ఆ దేవదేవుని ప్రార్ధించదలచుకున్నాను. నా ప్రార్ధన డ్రాఫ్ట్ ఇదీ. దయచేసి ఈ ప్రార్ధనకు మెరుగులు దిద్దండి. ఈ సినిమాను నేను అనుభవించే మాహాద్భాగ్యం నాకు కలిగేలా మీరూ తోడ్పడండి. మనకు ఇంకా ఈ ఆదివారం మధ్యాహ్నం  దాకా సమయం వుంది.

"ప్రభూ, సినిమా చూసేటప్పుడు కేవలం మంచి విషయాల మీదే  నా మనస్సు నిలిచేలా చూడు ప్రభూ. మేతావితనం కానీ, మేధావితనం గానీ సినిమా చూసేంత సేపూ నా మనస్సులోకి దరిచేరనీయకు స్వామీ. రంధ్రాన్వేషణ దురద నా మనస్సులోకి రానీయకుండా చూసే బాధ్యత మీదే ప్రభువా. అవార్డ్ సినిమలా కాకుండా మామూలు సినిమా అంచానాతో వెళుతూ సగటు ప్రేక్షకునిలా అబ్బురపడే అదృష్టం కలగనీయి స్వామీ. 'రంధ్రం ఎక్కడున్నదీ' అని నేను వెతుక్కోకుండా 'హృదయం ఎక్కడున్నదీ' అని సినిమాలో నా హృదయం పెట్టి చూడనీయి స్వామీ. తొక్కలో లాజిక్కులు నా మనస్సు దరిదాపులలొకి కూడా రాకుండా చూసి నన్ను సినిమాను అనుభవించనీ దేవా.  మా   ఆవిడ కంటే, పిల్లల కంటే చక్కగా ఈ సినిమాను చూసి అబ్బురపడే భాగ్యం కలిగించు స్వామీ.  సినిమా చూసింతతరువాత మహా మేధావి అయిన మా పెద్ద పాప నెగటివ్ కామెంట్స్ వేసి ఒక అద్భుతాన్ని చూసిన ఆనందాన్ని క్షణభంగురం కానీయకుండా చూసే బాధ్యత  కూడా మీదే దేవా! సినిమా పూర్తి అయిన తరువాత సినిమా ఎంత గ్రేట్గా వుందో అని చిన్న పాప అంటూ వుంటే నాకు అంత థ్రిల్లు కలగక బిక్క మొగం వేసుకునే పరిస్థితి రానీయకు దేవా. సినిమా ఎక్కడెక్కడ ఎంజాయ్ చేసానో అని మా ఆవిడ వర్ణిస్తూ వుంటే ఆ సన్నివేశాలలో ఏమేం లోపాలు వున్నాయ్యో స్ఫురణకు వచ్చే దౌర్భాగ్యం కలగనీయకు ప్రభువా.

ఆమెన్" 

ఈ ప్రార్ధన అంత గొప్పగా రాలేదని నాకు తెలుసు. అందుకే దానిని మోడిఫై చేసే బాధ్యత మీకు ఇచ్చాను. అన్నట్లు ఈ సినిమా చూసే విషయంలో ప్రాంతీయ అభిమానం కూడా వుందండోయ్. దర్శకుడు జేమ్స్ కేమరూన్ మావాడే. కెనడియన్.  

మీటప్: అన్నట్లు ఇంకో విశేషం కూడా వుందండోయ్. ఈ మూవీకి మీటప్ సభ్యులతో కలిసి వెళుతున్నాం. మా మీటప్ గ్రూపులో మేము తప్ప అందరూ ఇక్కడి అమెరికన్సే. దాదాపు ఒక నలభై మంది ఈ సినిమా చూడటానికి రాబోతున్నారు. 12 గంటలకు సినిమా అయితే అందరూ 11 గంటలకే వచ్చేస్తారు. 11 నుండి లైనులో నిలబడి కబుర్లు చెప్పుకోబోతున్నాము. హాలులో అందరమూ ఒకదగ్గరే కూర్చొని సినిమా ఎంజాయ్ చేస్తాము. మూవీ అయిన తరువాత ఒక రెస్టారెంటుకి వెళ్ళి భోంచేస్తూ ఈ సినిమా అబ్బురాన్ని, అద్భుత క్షణాలనీ అందరం నెమరువేసుకోబోతున్నాము.      

హవ్వ! హవ్వ!! ఈ వార్త చూసేరా?

http://www.andhrajyothy.com/mainshow.asp?qry=/2009/dec/21new29

హగ్గేస్కుందాం రండి!

పెద్దమనుషుల (ఒప్పందం) లా సమైక్యులు మాతో కలిసిమాట్లాడటం లేదు, ఓదార్పు ఇవ్వడం లేదు, మా పట్ల, మా సమస్యల పట్ల జాలి చూపించడం లేదు అని కొంతమంది తెలంగాణిష్టులు అలక పానుపు పూనారని తెలియవచ్చింది. రండి బ్రదర్ ఓ గ్రూప్ హగ్ వేస్కుందాం. నా మనస్సు అసలే విశాలం - మీకు తెలుసుకదా. మనకు పెద్దగా భేదాలు లేవు. అందరూ ఒక్కటే నాకు.

కాబట్టి నేను చెప్పొచ్చేదేమిటంటే అలా చక్కగా ఓ గ్రూపు హగ్గేస్కోని కూర్చొని తాపీగా మందుకొట్టేవాళ్ళం మందుకొడుతూ ఇంకా రంజుగా రాష్ట్ర రాజకీయాలు చర్చిస్తే వుంటుందీ - మజా. ఆ విశేషాలు ఎవరినన్నా లైవ్ బ్లాగింగ్ చేయమందాం. మందెక్కువయింతరువాత ఏమవుతుందీ అని నన్ను అడక్కండి - లైవ్ బ్లాగింగులో మీకు ఎలాగూ తెలిసిపోతూనే వుంటుంది కదా.

అన్నట్లు సమైక్యాంధ్రులకు మా బంధువు జాకీ సరదాగా ఓ పెరెట్టాడు - సమైక్యంధులు! ఆయన తెలంగాణా వాది అనుకునేరు, కాదు.

ప్రత్యేక తెలంగాణా మీద నా పోల్

ఆసక్తి కొద్దీ నాకు కనపడ్డ, వినపడ్డ వారినందరినీ ప్రత్యేక తెలంగాణా మీద అభిప్రాయం అడుగుతున్నాను. ఎప్పటికప్పుడు కామెంట్స్ ద్వారా ఈ పోస్టును తాజాకరణ చేస్తాను. ఇప్పటివరకూ తెలిసిన అభిప్రాయాలు:

పేరు - ప్రాంతం - భావం - ప్రస్తుత ప్రదేశం:
నేను & మా ఆవిడ - హైద్రాబాద్/తెలంగాణా - సమైక్య భావం - యు ఎస్
మా మేనల్లుడు - డిట్టో
జాకీ ఫామిలీ మా బంధువులు - తెలంగాణా - సమైక్య భావం - యు ఎస్
శివ ఫామిలీ  మా పొరుగిల్లు - ఆంద్రా, భార్యది తెలంగాణా - సమైక్య భావం - యు ఎస్
మాధవి నా స్నేహితురాలు. తెలంగాణా - తెలంగాణా భావం
నాకు పిల్ల నిచ్చిన మామ - తెలంగాణా - తెలంగాణా భావం
మా ఆవిడ అక్క ఫ్యామిలీ - తెలంగాణా - సమైక్య భావం
మా ఆవిడ అక్క కూతురు - తెలంగాణా - సమైక్య భావం
మా కోడలు - తెలంగాణా - ఏ భావమూ లేదు
నర్సిరెడ్డి ఫామిలీ మా బంధువులు - తెలంగాణా - సమైక్య భావం - యు ఎస్

జై జై కాశ్మీర్!

తెలంగాణా వాదులు కనుక జై కాశ్మీర్ అని కాశ్మీర్ విడిపోయి పాకిస్థానులో కలవడానికి ఒప్పుకొని తమ దేశభక్తిని నిరూపించుకుంటే కనుక నేనయితే జై తెలంగాణా అంటాను.

కాశ్మీర్ వాళ్ళూ అన్యాయాల పాలయ్యారు, ఆత్మ న్యూనత పాలయ్యారు, నికృష్ట హిందువుల చేతిలో అమాయక ముస్లిములు ఎన్నో అవస్థల పాలయ్యారు. ఆ కాశ్మీరీ వేర్పాటువాదులని ఆ వివరాలు అడిగితే మిమ్మల్ని కూర్చోబెట్టి ఓ నలభై వీడియోలు, ఓ అరవై కాపీ పేస్టులూ, డెబ్బాయ్ లింకులూ తమకు ఇండియా వల్ల జరిగిన అన్యాయాల గురించి ఇచ్చిపడేస్తారు. ఇంకా వళ్ళొ కూర్చోబెట్టుకొని వారి మదరస్సాలలో మీకు జ్ఞానబోధ చేసి మీకు సమైక్యవాదుల పట్ల వున్న విషం కన్నా ఎక్కువగా ఇండియా మీద నూరిపోస్తారు. 

వాళ్ళకు మీకన్నా ఇంకా అడ్వాన్సుడు అన్యాయాలు జరిగాయి కాబట్టి ఇంకా అడవాన్సుడుగా మీకు శిక్షణ ఇస్తారు. అత్మాహుతి ఇంకా చక్కగా ఎలా చేయాలో, చావడంతో పాటు ఇంకో నలుగురినీ ఎలా చంపాలో తర్ఫీదు ఇస్తారు.  వాళ్ళకు భారతదేశం నుండి జరిగిన అవమానాలు వినాలనే సహృదయత, ఓపిక మీకు వుండాలే కానీ మీరు అటువెళ్ళి కరుడుగట్టిన తీవ్రవాదిగా అవతారం చెంది ఓ నాలుగు బాంబులు నడుముకి కట్టుకొని ఇటు "మీ" హైద్రాబాదుకి చక్కగా వచ్చెయొచ్చు.

ఆ, వాళ్ళకు జరిగిన అన్యాయాలు, అవమానాలు, తలవంపులూ అన్నీ అబద్ధం అని సమైక్యోళ్ళు తెలంగాణోళ్ళ మీద ఎలా అంటున్నారో  మనం కూడా కాశ్మీరోళ్ళ మీద అనుకోవచ్చు. అవన్నీ అపోహలనీ మీకు తెలుసు, నాకు తెలుసు కానీ ఆ కాశ్మీరోళ్ళకి తెలియదు కదా. ఉన్మాదం పట్టిన తెలంగాణా వేర్పాటువాదులెంతో ఉన్మాదం పట్టిన కాశ్మీర్ వాదులూ అంతే. కాకపోతే అది ఉన్మాదం అని మనకు తెలుసు కానీ ఆ రెండు వర్గాలకీ తెలీయదు కదా.  భావోద్వేగాల పరంగా ఆ ఆ వేర్పాటువాదులకీ ఈ వేర్పాటువాదులకీ తేడా పెద్దగా ఏమీ లేదు. ఇద్దరూ కరుడిగట్టిన భావాలు వున్నవారే. కాకపోతే మనాళ్ళు చేతల్లో తీవ్రవాదం చూపించడం లేదు. అదొక్కటి సంతోషించే విషయం.   
 

తెలంగాణా వేర్పాటు వాదులు కనుక వాళ్ళ తోటి వేర్పాటువాదులు అయిన కాశ్మీర్ వాదుల భావోద్వేగాలను అర్ధం చేసుకొని గనుక కాశ్మీర్ విడిపొయి పాకీస్థానులో కలవడానికి సై అంటే మనమూ మన లోకల్ వేర్పాటువాదుల దేశభక్తిని మెచ్చి తెలంగాణా ఇచ్చేద్దామంటాను. మీరేమంటారేమిటి?  

జై కాశ్మీర్
జై జై కాశ్మీర్

O Shit! - మరోసారి

గమనిక: ఈ టపా తెలంగాణా ఆంశానిది కాదు.

కెనడా ఫోర్ట్ ఎరీ (నయాగరా ఫాల్స్) లో వుంటూ యు ఎస్ బఫెలో సిటీలో పని చేస్తున్న రోజులవి. రెండు దేశాల మధ్య ప్రయాణమే అయినా మా ఇంటినుండి ఆఫీసుకి కారు ద్వారా 5 నిమిషాల దూరం. అలా నాలుగేళ్ళు పని చేస్తూ ప్రతి పని రోజూ బోర్డర్ దాటుతుండేవాడిని. బోర్డర్ మామలతో, ఆంటీలతో అనగా అఫీసర్స్ తో కొన్ని గుర్తుంచుకోదగ్గ స్మృతులు వున్నాయి. వాటినన్నింటినీ మరోసారి పంచుకుంటాను కానీ ఒక సంఘటన మాత్రం ఇప్పుడు చెబుతా. 

ఎప్పుడన్నా అక్కడెక్కడో ఏ లాడేనో తుమ్మితే ఇక్కడ అమ్రికాలో జలుబుచేస్తుంది కదా. అప్పుడు బోర్డర్ ఆఫీసర్సుకి పూనకం వస్తుంది. కుక్కలని పట్టుకొని కార్లలో చిచ్చుబుడ్లలాంటి మందుగుండు సామాగ్రి ఏమయినా వుందా అని వాసన చూస్తుంటారు. ఓ సారి కుక్క ఆఫీసర్ నా కార్లోకి ఎక్కింది. ఎంతకూ ఆ కుక్క దిగి వెళ్ళిపోదే! ఎదో వాసన తెగ చూస్తోంది. ఆ కుక్క గారిని వదిలిన ఆఫీసర్లేమో ఎంచక్కా ముచ్చట్లు పెట్టుకుంటూ దీని విషయమే మరిచారు. నా మినీ వ్యానులో అది ఏం వాసన చూస్తూ తన్మయత్వం చెందుతుందో నాకు కనపడక నా గుండెల్లో రైల్లు పరిగెత్తాయి.  కొంపదీసి నేను ఇలా రోజూ బోర్డర్ దాటుతానని తెలిసిన ఏ తీవ్రవాదన్నా నా కార్లో ఏమన్నా పెట్టలేదు కదా?

కుక్క గారు ఎంతసేపటికీ బయటకి రాకుండా, మొరగకుండా అక్కడే వాసన చూస్తూ వుండటంతో బయట నిలబడి వున్న ఆఫీసర్సుకి చిరాకేసి బయటకి రమ్మని అదిలిస్తే గానీ ఆ కుక్క గారు కారు దిగి క్రిందికి వెళ్ళలేదు. బ్రతుకు జీవుడా అనుకుంటూ ఆఫీసుకి వచ్చి కార్ పార్క్ చేసి ఆ కుక్కగారు అంతగా ఏం వాసన చూసి వుంటుందా అని సీట్ల క్రింద పరిశీలించాను. చిన్న పాప వాడేసిన డయపర్ వుందక్కడ! 

వదల తెలంగాణా, నిన్నొదల!

...అంటూ సమైక్యాంద్రోళ్ళు తెలంగాణోల్లని వణికిస్తున్నారు. ఇది న్యాయమా చెప్పండి. మా కష్టాలేవో మేము పడతాము, మా ఖర్మకి మాకు వదిలెయ్యండి బాబో అని రాజన్నలు, రామన్నలు ఎంత మొత్తుకుంటున్నా వినిపించుకోకుండా వదల, నిన్నొదల అని వారి గుండెల్లో హర్రర్ పరిగెత్తించడం ఏమాత్రమూ సబబుగా లేదు, న్యాయంగా లేదు.

వార్నీ ఇదేంట్రా వీడు, మళ్ళీ తలంగాణా సైడయ్యాడు అనుకుంటున్నారా? సిరంజీవి మార్చుకోగాలేనిది నేను నిర్ణయం మార్చుకుంటే తప్పొచ్చిందా?   నిర్ణయాలన్నవి/నిర్ణయాలున్నవి మార్చుకోవడానికే అని నేను ఇంతకుముందు కూడా సెలవిచ్చా కాదూ. అందుకే తప్పు. ఎవరి అభిప్రాయాలు, ఆత్మన్యూనతా వారికుంటాయి. అర్ధం చేసుకోవాలి, అన్నదమ్ముల్లా, మొగుడూ పెళ్ళాల్లా సామరస్యంగా విడిపోవాలంటే ఒప్పుకోవాలి. ఒకరు అన్నట్లు బావా మరిదులలాగా, అత్తా మామల్లాగా, తాతయ్యా అమ్మమ్మల్లగా విడిపోవాలనుకున్నా హాయిగా విడిపోవచ్చు. అభ్యంతరపెట్టకూడదు. తప్పు. అది మీరు గ్రహించాలి. 

పైకి అనరు కానీ చాలామంది తెలంగాణా వారు, కొంతమంది సీమాంధ్రా వారు నాలాగే ఇది అర్ధం కాక బుర్ర గోక్కుంటున్నారు. విడిపోతాం మొర్రో అంటే కలిసుందాం మొర్రో అని ఈ సీమ్మాంధ్రోల్లు అనడం, ఉద్యమాలు , దీక్షలు చేయడం ఏంటో అర్ధం కాక పిచ్చి చూపులు చూస్తున్నారు. వద్దు మొర్రో అంటే తెలంగాణా వారిని బలవంతంగా మాతో వుండాల్సిందే అని గుంజి సమైక్యాంధ్రకి కట్టి పడివేయడం అన్యాయమే కాకుండా అర్ధరహితం కూడా.  ఎవరు మీతో కలిసివుండము అని అన్నా హాయిగా వారికి పంపకాలు చేసి పంపేయాలి, విడాకులు ఇచ్చి పంపేయాలి. అలాగే ఇలాంటి గొంతెమ్మ కోరుతున్న ఇతర ప్రాంతాల వారికీ అయా రాష్ట్రాలు ఇచ్చేస్తేనే దేశం ప్రశాంతంగా, సుభిక్షంగా వుంటుంది. అవును. ఇది పచ్చి నిజం. అది ఎలాగో చెబుతాను చూడండి.  

ఇలా గొంతెమ్మ కోరికలు కోరిన అన్ని రాష్ట్రాలను విభజించి ఇచ్చాక కత్తి గారు చెప్పినట్లు అధమా పక్షం కనీసం దేశంలో 50 రాష్ట్రాలన్నా అవుతాయి కదా.   పరిపాలనా సౌలభ్యం బాగా వుంటుంది. ఎంచక్కా ఎవరి ఇంఫీరియారిటీ కాంప్లెక్సును వారు పోషించుకుంటూ అందరూ హాయిగా, సహోదరుల్లా కలిసిమెలసి వుంటారు. సహృద్భావ వాతావ'రణం' వెల్లివిరుస్తుంది. దేశంలో అన్ని రాష్ట్రాలూ పాడిపంటలతో పరిఢవిల్లుతూ వుంటాయి. ఒక సారి దృశ్యం వేసుకోండి - ఎంత బావుంటుందో. ఇక చాలు గానీ మీ ఏ టూ జెడ్ డ్రీమ్స్ లోనుండి క్రిందకి దిగండి.  

కాశ్మీర్ వేర్పాటు వాదులు ఎప్పటినుండో విడిపోతామంటున్నారుగా. వాళ్ళూ అన్నా దమ్ముల్లా విడిపోదామంటారు. తప్పు లేదు. వారిని అలా బలవంతం చేసి భారత దేశానికి కట్టిపడేయడం పొరపాటు - మానవత్వం అనిపించుకోదు - మృగత్వం అనిపించుకుంటుంది. తరువాత బోడోలాండ్ ఇంకా ఇంకా అన్ని పేర్లూ తెలియదు గానీ ప్రస్తుతం వున్న వేర్పాటు వాదులందరూ సహొదరుల్లా విడిపోతామని శాంతియుతంగా విజ్ఞప్తి చేస్తారు. సందేహం లేదు. వారిని మొమమాటపెట్టి మనతోనే ఉంచుకోవడం పెద్దమనుషుల ఒప్పందం అనిపించుకోదు. ఇచ్చేద్దాం. ఇలా ప్రస్తుతాలు అన్నీ అప్రస్తుతాలు అయిపోయాక మిగిలివున్న ముక్కలతో దేశం సుభిక్షంగా, ప్రశాంతంగా వుంటుంది. ఎందుకంటే వేర్పాటువాద ఉద్యమాలు వుండవు కదా. ఎవరి పని వారు చూసుకుంటూ హాయిగా వుంటారు.
 
దేశం పచ్చగా వుంటే ఒక వర్గం మాత్రం కష్టాలు పడుతుంది. అది రాజకీయ నిరుద్యోగ వర్గం. వాళ్ళకు వాళ్ళు ఏదో ఒక పని కలిపించుకోకుండా సోమరుల్లాగా వుండటం భావ్యం కాదు కదా. అందుకే ప్రత్యేక తమిళనాడు దేశం కావాలంటారు. తప్పులేదు. ఎవరినీ బలవంతం చేయొద్దు. ఇష్టమయితే భారత దేశంలో కలిసివుండమనాలి లేక పోతే మీ ఇష్టం అని శాంతియుతంగా విడదీసి ఇవ్వాలి. ఎక్కడయినా. ఎప్పుడయినా మానసిక భావాలను బలాత్కారం చేయకూడదు అది ఎమోషనల్ రేప్ క్రిందికి వస్తుంది. సో, టమిల్నాడు దేశం ఇచ్చిపడెయ్యాలి.  తమిల్నాడు వాళ్ళు కలిసివుండము మొర్రో అంటే లేదు లేదు మీరు భారత్లో కలిసేవుండాలి అని పట్టుబట్టడం పద్ధతి కాదు. అది మీరు గ్రహించాలి. 

ఇంతజరుగుతూ వుంటే కే సీ ఆర్ ఊర్కుంటాడా. మళ్ళీ సెలైన్ దీక్షలు చేయడూ. తప్పులేదు - అన్నాదమ్ముల్లా విడిపోదామంటున్నారు అంతే కదా. మీతో వుండము మొర్రో అంటే మనం బ్రతిమలాడటం బావుండదు కాబట్టి తెలంగణా దేశం ఇచ్చెయ్యాలి. అలా అలా అన్ని రాష్ట్రాలూ కనీసం 50 దేశాలు కావాలి.  చిన్న చిన్న దేశాలయితే పరిపాలనా సౌలభ్యం ఇంకా భేషుగ్గా వుంటుంది. అప్పుడు అన్ని దేశాలూ శాంతి సౌభాగ్యాలతో తులతూగుతాయి. ఏదీ ఒక్క సారి A to Z Dream వేస్కోండి. అక్కడే వుండండి. వాస్తవం కన్నా వూహలే బెటర్. దిగిరాకండి. 

తెరాస సిద్ధతకర్తలాగా కొద్దిగా అగుపించే బ్లాగర్

మన తెలుగు బ్లాగర్లలో ఒకరు కొద్దిగా తెరాస సిద్ధతకర్త జయశంకర్ లాగా అనిపిస్తారు. వీరికంటే జయశంకర్ కొద్దిగా ఎత్తు, బక్క. ఎవరో చెప్పుకోండి చూద్దాం. మీరెవరూ చెప్పలేకపోతే కొద్దికొద్దిగా క్లూలు ఇస్తుంటాను.  

మాల, మాదిగలకు వేర్పాటువాదం అంటే ఇంత ఇష్టం ఎందుకంటారూ?

బ్లాగుల్లో అంతే, బయటా అంతే. ఆత్మన్యూనత నుండి మరింత ఆత్మన్యూనతలోకి. కే సీ ఆర్ నిరాహార దీక్ష ఫోటోలు చూసాను. దొరగారికి గ్లాసులు పడుతున్న వారిలో మంద క్రిష్ణ కూడా ఒకడు!

విప్లవవాదులూ, పౌరహక్కుల ముసుగులోని తీవ్రవాదులూ, విప్లవ మేధావులూ, గట్రా గట్రాలూ వేర్పాటు వాదానికి మద్దతు ఇస్తున్నారంటే కాస్థ అర్ధం చేసుకోవచ్చు - వాళ్ళ హిడెన్ అజెండా ఏంటో ఓపెన్ గా తెలిసిపోతూనేవుంది కాబట్టి. రాష్ట్రం వేర్పాటు/ఏర్పాటు  అయ్యాక మావోయిస్టులు రాష్ట్రాన్ని చేజిక్కించుకోవడం ఆ తరువాత మరో వేర్పాటు వాదం - తెలంగాణా దేశం - అలా ఆ రాజ్యాన్నీ చేజిక్కించుకొని ఏ నేపాల్లోనో, చైనాలోనో కలపడం. ఆ తరువాత ఇక్కడినుండీ నేపాల్, చైనా దాకా విప్లవ కారిడార్ వేర్పాటు/ఏర్పాటు చేయడం. స్పష్టంగా అర్ధమవుతూనే వుంది కాబట్టి అయోమయం లేదు.  వాళ్లంతా ఎందుకు ఈ తెలంగాణా వేర్పాటు ఉద్యమంలో పాల్గొంటున్నారో క్రిస్టల్ క్లియర్.

అయితే నాకు అర్ధం కాని విషయాల్లో ఈ మాల, మాదిగ మేధావుల తెలంగాణా ఆరాటం మరియు మాల, మాదిగ సంఘాల తెలంగాణా పోరాటం కూడా వున్నాయి. నాకు అయితే దీనివెనుక వీళ్ళకున్న (హిడెన్) అజెండా ఏమిటో, ఈ సదరు సంఘాలు దొరగారికి ఇలా సాగిలబడటం ఏమిటో అర్ధం కాదు. వ్యక్తిగతంగా ఎవరికుండే అభిప్రాయాలు వారికి వుంటాయి కాబట్టి అలాంటి అభిప్రాయాలని కొంతవరకు అర్ధం చేసుకోవచ్చు కానీ ఈ సంఘాలు వాటి పని అవి చూసుకుంటూ మాల మాదిగలను ఉద్ధరించక ఇలా పక్క సైడు పట్టడం ఏంటో నా కోడి మెదడుకి అయితే అర్ధం కావడం లేదు.  మీకెవరికన్నా అర్ధం అయితే నాకు చెప్పండి బాబు గారూ.

విశాల భావాలు వున్నాయనుకున్న మేధావుల్లో కూడా వేర్పాటు వాదం ఏంటో - వీరిని సంకుచిత మేధావులు అనాలో - ఏంటో.   ఇలాంటి ఇరుకు మెంటాలిటీ వున్న వారిని అసలు మేధావులుగా పరిగణించవచ్చో లేదో! మొత్తం మీద మాలబాన్లు, తెలబాన్లు కలిసిపోయిన పరిస్థితి మనకు కనిపిస్తూవుంది. 

ఈ నా వ్యాఖ్యలు మాల మాదిగ వర్గాలలోని ఉదార వాదులకు, విశాల భావాలు వున్నవారికి వర్తించవు. అలాంటివారికి నా నమస్సుమాంజలులు.  ఆయా వర్గాలలోని తీవ్రవాదులని ఉద్దేశించినవే ఈ వ్యాఖ్యలు అని గమనించగలరు.

త్రిలింగదేశంలో స్వలింగదేశం కావాలి!

ప్రత్యేక రాష్ట్రం కోసం డిమాండ్ చేయటం ఓల్డ్ ఫ్యాషన్ అయిపోయింది కదా. అందుకే ప్రస్తుతం వున్న ట్రెండుకు తగ్గట్లుగా నేనూ నా దేశం డిమాండ్ చేస్తున్నాను. నా దేశంలో మీరు చేరినా చేరకపోయినా, వున్నా వుండకపోయినా నైతిక మద్దతు అయినా ఇస్తారని భావిస్తున్నాను. మాకు ప్రత్యేక దేశం ఎందుకు కావాలో తెలుసుకోవాలంటే యూట్యూబ్ చూసుకోండి. ఓ వంద వీడియో లింకులు మీముందు పడేసే ఓపిక లేదు. పోనీ టెక్ష్టు కాపీ, పేస్ట్ చేసే ఓపిక కూడా లేదు. అంతర్జాలంలో, వికిపీడియాలో బోల్డెంత సమాచారం వుంటుంది. కాపీ పేస్టు ఆనందం వున్నవారయితే మీరే ఆ పని చేస్కొని చూస్కొండి. అలా నా వల్ల అయితే కాదు. ఓక్కే?     

మా దేశం ఏర్పడ్డాక దానిని ఒక నాలుగు రాష్ట్రాలుగా విభజిస్తాము. LGBT లలో ఒక్కో తరగతికి ఒక్కోటి. అంటే ఏమిటి అని మీకు సందేహం రావచ్చు. ఈ-తెలుగు వారి నిఘంటువులో అది బూతు అని వుందేమో తెలియదు. కొంపదీసి అలా వున్నట్లయితే  అధ్యక్షులవారు ఫత్వా జారీచేసి సంకలినిలలోనుండి నా బ్లాగు ఎత్తేయిస్తారు. మళ్ళీ నా బ్లాగు అగ్రిగేటర్సులో పెట్టుకొమని అమరణ నిరాహార దీక్ష చేయాల్సివుంటుంది. ఎదవ గొడవ. ఇంతకుముందు ఒక సారి నా బ్లాగు పీకి పడెస్తే ధర్నా మాత్రమే చేసేను ఎందుకంటే అప్పుడు నాకు సెలైన్ నిరాహార దీక్షల టెక్నిక్ తెలియదు కాబట్టి. ఈ సారి సెలైన్ నిరాహార దీక్షనే!

సరే మీరు అంతగా అడుగుతున్నారు కాబట్టి ధైర్యం చేసి బితుకుబితుకుమంటూ కి అర్ధం చెబుతా. టేక్ రిస్క్ కదా మన పద్ధతి, అందుకే.  LGBT అంటే లెస్బియన్, గే, బై సెక్సువల్ & ట్రాన్స్ జెండర్. అందులో నాది B క్యాటగరీ. సరే అలా నాలుగు రాష్ట్రాలూ విభజించడంతోనే పని అయిపోయిందా? కాలేదు. ఈమధ్య ఇంకా కొన్ని కొత్త తరగతులూ వస్తున్నాయి. వారినీ ఎకామడేట్ చేయాలి కదా. అలా వచ్చినవాటికీ, మున్ముందు వచ్చేవాటికీ తాత్కాలికంగా కేంద్ర ప్రభుత్వ ప్రాంతాలు ఏర్పాటు చేస్తాం.

బావుంది, బావుంది, భేష్. ప్రజలందరూ సుఖ సంతోషాలలతో జీవిస్తారు ... అని మీరు అనుకుంటున్నారు కానీ ఈ తెలంగాణా అనుభవం వల్ల నేను అలా అనుకోవడం లేదు. మీరు ప్రస్తుతం చూస్తున్నారు, నేను భవిష్యత్తు దర్శిస్తున్నాను. ముందు ముందు అయినా మాలో మేము కొట్లాడుకోకుండా వుంటామా అన్నది నా ధర్మసందేహం. L లూ, G లూ ప్రత్యేక దేశాలు కోరవచ్చు. నాలాంటి B లు L, G లు కూడా మా వర్గంలోని వారే అని చచ్చినట్లు మా LGB రాష్ట్రంలొనే వుండాలని LGB సమైక్య రాష్ట్రం కోసం L, G, B రాష్ట్రాలని కలిపివేయాలని  దీక్షలు చేయవచ్చు. ఇక T లలొ కూడా రకరకాల ఉపవర్గాలు వున్నాయి. మాల మాదిగ వర్గాల లాగా వాళ్లలో వాళ్ళు కొట్లాడుకొని ప్రత్యేక రాష్ట్రాలు కావాలనొచ్చు. కేంద్ర పాలిత ప్రాంతాలు మాకూ రాష్ట్ర హోదా కావాలని అడగావచ్చు. మా దేశం అలా అలా సమ్మగా తగలబడావచ్చు. భవిష్యత్తు చూస్తే భయంకరంగానే గోచరిస్తోంది. ఇలాంటి పరిస్థితుల్లో ఈ రాబోయే, కాబోయే LGBT దేశానికి ప్రధానమంత్రిగా నేను వుండాలనుకోవడం నాకు అంత అవసరమా అని ఆలోచిస్తున్నాను. మీరేమంటారు?          

O Shit!

(గమనిక: ఈ టపా తెలంగాణా గురించి కాదు)

పూణేలో పీజీ చేస్తున్న రోజులవి. మొదటి ఏడాది కాలేజీ హాస్టల్లోనే వున్నా అక్కడ మాకు ఇష్టమయిన వంటలకి ఆస్కారం లేకపోవడంతో రెండో ఏడు ఒక ఇల్లు కిరాయికి తీసుకొని నలుగురం మిత్రులం అందులో చేరాం.  అంట్లు తోమే స్క్రబ్బర్ బాత్ రూంలో కనపడితే ఇంతకుముందు ఇంట్లో వున్నవారు దానిని ఇక్కడ పెట్టారేంటబ్బా అనుకొని వంటగదిలో అంట్లు తోమడానికి ఉపయోగించసాగాము. ఒక నాలుగు రోజుల తరువాత వారం వారం బాత్ రూములో వున్న లెట్రిన్ శుభ్రం చేసే పనిమనిషి మేము ఆ ఇంట్లో చేరాక మొదటి సారి వచ్చింది. దేనికోసమో వెతుకుతోంది కానీ దొరకడం లేదు - విసుక్కుంటోంది. 

"ఏంటమ్మా దేనికోసం వెతుకుతున్నావు?" అని అడిగాము.

"లెట్రిన్ క్లీన్ చేసే స్క్రబ్బర్ కనపడటం లేదు" 

'మగాడు' లగడపాటి

వీరిగురించి ఇదివరకు నేను ఎప్పుడూ పెద్దగా ఆసక్తిచూపలేదు. ఆ ఇంటిపేరొకటి కూడా అందుక్కారణం. లగడపాటి జగడపాటి నేమో అనుకునేవాడిని. ఇప్పుడు అర్ధం అవుతోంది నాకు తను ఏంటో, తన వ్యూహాలు ఏంటో, తన వ్యవహార దక్షత ఏంటో, తన విశాల, సమైక్య భావాలు ఏంటో.

స్వార్ధం వుందా? వుండొచ్చు. రాజకీయ ప్రయోజనం వుందా? వుండొచ్చు. ఇంకేమన్నా వుందా? వుండొచ్చు. ఒక విశాల ప్రయోజనం, ఒక గొప్ప కాజ్ కోసం కృషి చేస్తున్నప్పుడు అవన్నీ పట్టించుకోనక్కరలేదు. చరిత్రని మనం క్షమించేయాలి, వర్తమానంలో బ్రతకాలి, అందమయిన భవిష్యత్తును మనం ఆశించాలి. గతంలో లగడపాటి ఎవ్వరో, ఎలాంటి వాడో నాకు పెద్దగా అయిడియా లేదు, పెద్దగా తెలుసుకోవాల్సిన అవసరం కూడా లేదు. ఇప్పుడు తను ఏంటి, ఇకముందేంటి అన్నదే మనకు ప్రధానం. లగడపాటి సీనులోకి ఎంటర్ అయ్యాక వర్తమానం బావుంది, ముందు ముందు కూడా బావుంటుందనే ఆశా వుంది. అన్నీ బావుంటే ఇతగాడిని సమైక్యాంధ్ర భావి ముఖ్యమంత్రిగా చూడాలనే కోరికా వుంది. ఇతగాడూ మున్ముందు ఏమయినా డ్రామాలాడితే శంకరగిరి మాన్యాలు పట్టించాలనుకునే నిర్మొహమాటం కూడా మనలో వుంది.      

ఈ సంక్షోభంలోనుండి ఎవరు నిజమయిన నాయకుడిగా ఉద్భవిస్తారా అని కొద్దిరోజులుగా జాగ్రత్తగా గమనిస్తూవున్నాను. దానికి సమాధానం రాజగోపాల్ అనే సమాధానం మనకు దొరికింది. ఇలాంటి సంక్షోభాలు ఉత్పన్నమయినప్పుడే తమ నాయకత్వ పటిమను నిరూపించుకుంటూ నిజమయిన నాయకులు ఉద్భవిస్తారు. ఇప్పుడు జరిగిందీ, జరుగుతున్నదీ అదే. ఒక గొప్ప వర్తమానం మనముందు సాక్షాత్కరిస్తోంది, ఒక గొప్ప చరిత్ర మనముందు ఎంతో హృద్యంగా పేజీలు తిప్పుతోంది.    

సమైక్యవాదులారా, వెయ్యరా, లగడపాటికి వీరతాళ్ళు.     

అన్నా, అందుకోవే, ఇదే నీకు నా వీరతాడు! 

నేను సమైక్యవాదిని

ఓసోస్ మహా చెప్పొచ్చావులేవయ్యా, నీ గురించి మాకు తెల్వదాఏం అంటున్నారా? మర్రదే, మండుద్ది. నేను చెప్పేది మొత్తం వినకుండానే, చదవకుండానే మీ ఇష్టం వచ్చినట్లు చపలచిత్తంతో ఆలోచిస్తే ఎలా? మీ ఎరుకలో మహా గొప్ప సమైక్యవాది ఎవరో చెప్పండి? చటుకున్న లగడపాటి అంటారేమో. ప్చ్. మరీ అంత సీన్ లేదాయనకు. మరెవరు? ఇంకో క్లూ. ఇప్పుడు లేడు లెండి. గెస్ చేయగలరా? మీ వల్ల కాదని ఒప్పుకోండి. కిందకి దిగండి.

నిజాం! నిజం మరి. ఎంతగొప్ప సమైక్యవాది కాకపోతే అప్పటి నిజాం సంస్థానాన్ని పాకీస్థానులో సమైక్యం చేస్తానని ప్రయత్నిస్తాడూ. అందుకే ఆయనను ఆదర్శంగా తీసుకోవాలనుకుంటున్నాను. హైద్రాబాదస్థానును సాధించాక దాన్ని పాకెస్థానులో సమైక్యం చేయాలని డిసైడ్ చేసిన. మరి నేను సమైక్యవాదినా కాదా? అసలయిన వేర్పాటువాదులెవరో తెలుసునా? సర్దార్ వల్లబ్భాయి పటేల్, ఇందిరాగాంధీ. సర్దారేమో మమ్మల్ని పాకీస్థాను నుండి విడదీసాడు. ఇందిరనేమో బంగ్లాదేశునూ, పాకీస్థానునూ విడదీసింది.

నాలాంటి సమైక్యవాదుల సౌకర్యం కోసం నా బ్లాగులో ఒక రిఫరెండం పెట్టాను. అందులో ఓటేసి మీ దేశభక్తి నిరూపించుకోండి. సరే, పాకీస్థానుతో కలిసిపోతారు. తరువాత? అదేకదా మీ సందేహం. నాకు తెలుసు. అసలు మీరు ఆ ప్రశ్న నన్ను అడగడం ఏంటి? అది పద్ధతేనా? చరిత్ర నడగాలి, చరిత్ర చదవాలి. చరిత్ర అనగానే ఏ లైబ్రరీకో, వికిపీడియాకో వెళ్ళనక్కరలేదు. నేనన్నది మా లావు నా బ్లాగు చరిత్ర. నా బ్లాగుని అక్షరం ముక్క వదలకుండా చవవండి - విజ్ఞానం పెంచుకోండి. ఆ తరువాత అడగండి. మళ్ళీ చెబుతున్నా - ప్రస్తుతం ముఖ్యం కాదు - చరిత్ర, చరిత్ర ముఖ్యం మరి.

తెలంగాణాస్థాన్ తల్లి

(సమయభావం వల్ల గత టపాలలో వ్యాఖ్యానించిన వారందరికీ స్పందించలేకపోతున్నాను. అన్యధా భావించవద్దు. వీలును బట్టి స్పందిస్తానని తెలియజేసుకుంటున్నాను)

తెలంగాణా తల్లి:  ఇప్పటిదాకా తెలంగాణా తల్లి ఎవరా, ఎలా వుంటుందబ్బా అని సంశయం వుండేది. ఇవాళ నాకు అర్ధం అయ్యింది. సోనియా తల్లినే తెలంగాణా తల్లి. KCR ఎలాగూ తెలంగాణా గాంధీ అయిపోయారు కదా. ఇంకా ఏం పోస్టులు ఖాళీగా వున్నాయబ్బా. చిదంబరం, పిళ్ళయ్ తెలంగాణా బ్రదర్స్. ట్యాంక్ బండ్ మీద వున్న విగ్రహాలు అన్నీ తీసేసి వీళ్ళ విగ్రహాలు పెడితే బావుటుందేమో. ప్రత్యేక హైదరాబాద్ వచ్చాక అవన్నీ తీసివేసి మళ్ళీ మా విగ్రహాలు పెట్టుకుంటామనుకోండి. అందాక మాత్రం సోనియమ్మ విగ్రహాలు గల్లీ గల్లీలో మళ్ళీ మళ్ళీ తెలంగాణా అంతటా పెడితే తెలంగాణా తల్లి ఖ్యాతి అందరికీ తెలుస్తుంది.

తెలంగాణాస్థాన్: తెలంగాణా రాష్ట్రం ఏర్పాటు అయ్యాక ఏ పేరు పెడతారబ్బా? తెలంగాణాస్థాన్ అని పెడితే వారి నైజాం భావోద్వేగాలకు, ఇతర భావోద్వేగాలకూ పాకిస్థాన్, అఫ్ఘనిస్థాన్, వజీరిస్థాన్ లాగా అనుగుణంగా వుంటుంది. ప్రత్యేక రాష్ట్రం వచ్చినా జన్మతహ్ వచ్చిన ఆత్మన్యూనత ఎలాగూ పోదు కనుక ఎలాగూ మళ్ళీ ఓ రెండు మూడు ఏళ్ళలో తెలబాన్ గాంధీ గారికి ఏమీ తోచక ఇక కేంద్ర ప్రభుత్వాన్ని ఆడిపోసుకోక మానరు. తెలిసిన టెక్నికే కదా - ప్రత్యేక దేశం కావాలని దీక్ష షురూ అవుతుంది. అమ్మగారు మరో సారి కేక్ కోస్తారు. అప్పుడు నిజాం ఆశయాలకు, వాంఛలకూ అనుగుణంగా హాయిగా పాకిస్థాన్లో కలవచ్చు. అస్సలు అస్సలు సర్దార్ వల్లబ్భాయ్ ని అనాలి. అప్పటి నైజాం సర్కారుని అలాగే వుండనిస్తే ఎంచక్కా పాకీస్థానుతో కలిసివుండి తాలిబాన్లను ఉత్పత్తి చేసే కుటీరపరిశ్రమతో నిరుద్యోగం అన్నదే లేకుండా వుండేది కదా. ఎవ్వడయినా ఉద్యోగం లేకుండా వుంటే ఓ రెండు బాంబులు జేబులో పెట్టి భారత్ పంపిస్తే అన్ని సమస్యలూ తీరతాయి.

అయినా అప్పటి చారిత్రిక తప్పిదాన్ని ఇప్పుడు సోనియా అమ్మగారు చారిత్రికంగా సవరించుకుంటున్నారుగా. ఈ లెక్కన మరో నాలుగేళ్ళలో తెలంగాణాలో నిరుద్యోగం అన్నదే వుండదు. మిగిలివున్న వారితో స్థాన్ సుభిక్షంగా వుంటూ అభివృద్దే అభివృద్ధి. మరొకటి కూడా చేయొచ్చు - పాకీస్థానుకీ, తలంగాణాస్థాన్ కీ మధ్య దూరం ఎక్కువ కాబట్టి ఒక ప్రత్యేక కారిడార్ ఏర్పాటు చేసుకుంటే ఎంచక్కా అటు బాన్లు ఇటు, ఇటు బాన్లు అటు మధ్యలో వున్న ప్రాంతాలను, ప్రజలను మమేకం చేసుకుంటూ వెళ్ళవచ్చు. ఏం ఫర్వాలేదు కారిడార్ కావాలని మరో దీక్ష చేస్తే సిదంబరం, పిళ్ళయ్ ఆ ప్రాంతాలన్నీ మీకు రాసివ్వక ఛస్తారా!


ప్రత్యేకం మీద వున్నంత శ్రద్ధ, ఉద్వేగం సమస్యల మీద మీద పెట్టివుంటే ఎన్నడో సమస్యలు తీరేవి. అంతటి దృశ్యం లేదు కాబట్టి మనం కూడా జై తెలంగాణాస్థాన్, జై జై తెలంగాణాస్థాన్ అందామేం. అసలే తెలంగాణా వాదులకు అసహనం ఎక్కువ. నేను ఇలా అంటున్నందుకు వారికి కోపం వస్తుండవచ్చు. వారిలో చాలామందికి పర 'భావ' సహనం వుండనే వుండదు. అందరిలోనూ వారి భావోద్వేగాలే కనిపించాలంటారు. వేరే వారికీ స్వంత అభిప్రాయాలుంటాయనే స్పృహ వుండనే వుండదు. తెలంగాణా తీవ్రవాదులని తెలబాన్లు అని ఎందుకు అంటున్నారని ఒక బ్రదర్ నిన్న కామెంటు ద్వారా అడిగేరు. ఇందుకే.


తెలంగాణా వాదులూ: మీరు నిజాం ని సమర్ధించారు కదా? అలాంటప్పుడు పైన నేను వ్రాసిన దాంట్లో పొరపాటు ఏముంది చెప్పండి?

మరణాల లిస్టు కావలయును

గత రెండు రోజులనుండీ అనగా తెలంగాణాకి అర్ధరాత్రి స్వాతంత్ర్యం వచ్చిన దగ్గరినుండీ రాష్ట్రంలోని మిగతా ప్రాంతాలలో అనగా రాయలసీమ, కోస్తా ఆంధ్రా, గ్రేటర్ హైదరాబాద్ ప్రాంతాలలో ఎవరు మరణించినా ఈ టపాలో కామెంటుగా వివరాలు ఇవ్వండి. మీ బంధుమిత్రులు కానీ, మీకు తెలిసినవారు కానీ, పిన్నలు కానీ, పెద్దలు కానీ, ఆడవారు కానీ, మగవారుకానీ,. ..కానీ ఎవరు ఎందుకు మరణించినా ఇక్కడ వివరాలు వేసెయ్యండి. అవన్నీ సమైక్యాంధ్రా లిస్టులో వేసుకుందాం. మన లిస్టు తెలంగాణా లిస్టుకంటే మించి పోవాలి. వీలయితే వై ఎస్ లిస్ట్ కూడా మించితే  ఇంకా బెటరూ.

బ్లాగుబద్దమయిన హెచ్చరిక: ఈ లిస్టు పెంచడం కోసమని ఎవరినీ పనికట్టుకొని చంపొద్దు.         

తెలంగాణా వాదులకు ఒక్క సూటి ప్రశ్న

ఇన్నాళ్ళుగా తెలంగాణా ఉద్యమం చూస్తున్నా నాకు అర్ధం కాని విషయం ఒక్కటే. సరే తెలంగాణాకి శానా అన్యాయాలు జరిగినయ్ అనుకుందం బై. అన్యాయాలు, అవమానాలు జరిగితే ఎదిరించాలి, నిరసన వ్యక్తం చేయాలి, అదిలించో, బెదిరించో ఆ అన్యాయాలను రూపుమాపాలి. ఆ లోపాలు సవరింపబడేంత వరకు ఉద్యమాలు చేయాలి, దీక్షలు చేయాలి, రాస్తారోకోలు అలా అలా ఎన్నో అహింసా మార్గాలలో ప్రయత్నించాలి. అయినప్పటికీ ఆ అన్యాయాలు దూరం కాకపోతే హింసా మార్గం కూడా ఓకే అనుకుందాము ప్రస్తుతానికి. సమాన హక్కులు, స్థాయి, ఆదాయం సాధించుకోవడానికి బలిదానాలూ, ఆత్మార్పణలు కూడా వోకే అనుకుందాము. విడిపోవడం కోసం చేస్తున్న ఈ చేష్టలన్నీ మీకు జరుగుతున్న అన్యాయాలను ఎదిరించడానికి ఉపయోగించవచ్చు కదా. వాటికి విడిపోవడమే పరిష్కారం అని ఎందుకు భావిస్తున్నారు? ఇదే నిరాహార దీక్షలు, ఆందోళనలు, ఆత్మార్పణలు ఆ ఆన్యాయాలని ఎదిరించడానికి చేస్తే అందరి సానుభూతి, సహకారం వుండటమే కాకుండా ప్రభుత్వం కూడా దిగివస్తుంది కదా.      

తెలంగాణా వాదులూ, దయచేసి నా సందేహాన్ని క్లుప్తంగా తీర్చగలరు. చర్విత చరణంగా చెప్పిన చరిత్ర, సమాచారం లప్పెడంత నా ముందు పడెయ్యొద్దు ప్లీజ్. నాకు అది జీర్ణం కాదు. ఎటువంటి వంకరటింకరలు లేకుండా ఈ సందేహానికి సూటిగా, క్లుప్తంగా వివరిస్తారని ఆశిస్తున్నాను. 

నా మీది గౌరవం తగ్గినవారూ, దినకర్లూ, మధుకర్లూ కూడా వెల్కం :)

బలిదానంకై భాగ్యనగర్ బ్లాగర్ బకరా బహు అర్జంటుగా కావలయును

ఇవాళ ఒక బ్లాగులో తెలంగాణార్పణం అయినవారి లిస్టు చూసాను. అందులో మనకు తెలిసినవారి పేర్లు ఏమయినా వుంటాయేమోనని ఆశగా చూసా. లే.

తెలంగానోళ్ళు ఒక్క బ్లాగర్ నన్నా బలి ఇవ్వలేకపోయారు. మన హైద్బాద్ రాష్ట్రానికి ఆ గతి పట్టగూడదు. మనలో రోషం చచ్చిందా? లేదే. అందుకే హైదరాబాద్ రాష్ట్ర వాదులు ఒక బ్లాగర్ని బలి ఇవ్వాలని డెసైడ్ చేసిండ్రు. అది ఎవర్నో కాదు - నన్నే :((      ఇదేమన్నా బాగుందా చెప్పండి. అందుకు నా ఆరోగ్యం ఏమన్నా సహకరిస్తదా. అసలే నాకు హై బిపి, లో బిపి, చక్కెర టైప్ 1 & 2.  అలా బయటకు చెప్పుకునే వ్యాదులు కొన్నీ, చెప్పుకోలేని వ్యాదులు కొన్నీ వున్నాయి. బయటకి చెప్పుకోలేని అంటే మీరు ఎక్కడికో వెళ్ళి చంకలు కొట్టుకోకుండ్రి. సుఖవ్యాధులే కాకుండా మామూలివి కూడా కొన్ని చెప్పుకోలేం. అవేంటని అడిగి మళ్ళీ నానోట చెప్పించకండి. ఇలాంటి అనారోగ్య పరిస్థితిలో రాష్త్ర సాధనకోసమమంటూ నన్ను బలి ఇవ్వడం న్యాయమేనా? మీరే చెప్పండి. పైగా నేను తగలడ్ద తరువాత గల్లీ గల్లీకీ నా పేరు పెడతామనీ ఆశ పెడ్తున్నరు. ఇలాంటి చాక్లెట్లు ఆశపడటానికి నాదేమన్నా వీక్ మైండా చెప్పండి! నా వల్ల కాదేమోనే అన్నా అంటే నీకేం ఫర్వాలేదనీ కూడా భరోసా ఇస్తున్రు. మీరు మంటల్లో దూకండి - ఆ తరువాత మేం జూసుకుంటం కదా అంటున్నరు. నమ్మొచ్చంటరా ఈల్లని? నేను తీరా దూకినంక జై హైద్రాబాద, జై జై హైద్రాబాద అంటూ మరింత పేట్రోలూ, కిర్సనాయిలూ నామీద చల్లరని మీరు గ్యారంటీ ఇస్తనంటె నేను సోంచాయిస్తనే.

ఛ. ఎవరన్నా అట్ల ఎందుకంతరు భాయ్ సాబ్ అంటుండ్రా మీరు. సాక్ష్యం చూపిస్తా. ఇదిగోండి నా అభిమానుల నుండి డిమాండ్:
ఏదీ ఏమైన గ్రేటర్ హైదరబాదు రాష్ట్రానికి ఒక బలి ఇవ్వల్సిందే. ఆ మహత్తర కార్యానికి నిన్ను ఎంచుకున్నాం బ్రదర్! నీ పేరున ఓ గల్లి పెడతాం గురు.. నువ్వు టెన్షన్ పడకుండా నిరాహారదీక్ష చేయి చెప్తా...


జై పులిరాజు. జై జై హైదరాబాదు రాష్ట్రం!!

(సిద్ధాంతకర్త పోస్టు ఖాలీ అయ్యే సూచనలు కనబడుతున్నాయి.. తువాల్లు రెడీ ఆ? )

హైద్బాద్ తమ్ముళ్ళూ, అలా ఆత్మబలిదానం ఇవ్వడానికి నా ఆరోగ్యం, శరీరం ఎంతమాత్రం సహకరించదు కాబట్టి ఇలా నా బ్లాగులో కావలయును ప్రకటన వేస్తున్నా. అసలే ఈమధ్య నలతగా, నీరసంగా వుంది తమ్మీ నన్నొదిలేయుండ్రి. (అంటే మల్లీ నాకు ఏ ఎయిడ్సో మరో దీర్ఘవ్యాధో వచ్చిందని చంకలు గుద్దుకోకండి). కావాలంటే మంటల్లో దూకడానికి, పెట్రోలు జల్లుకోవడానికీ నా శరీరం సహకరించదని నా వ్యక్తిగత వైద్యునితో సెర్టిఫికెట్టు ఇప్పిస్తా. ఆ సెర్టిఫికెట్టు మధుకర్ కి కూడా ఫాక్స్ చేయిస్తా. తోటరాముని దినకర్ లాగా మల్లీ ఈ మధుకర్ శాల్తీ ఎవ్వర్ భై అని మధ్యలో అడుగకుండ్రీ. నేనేమన్నా తెలంగాణా వాదినానే మల్లిమల్లీ సరిత్ర ముందు పడెయ్యడాంకి. ఓపిక వుంటే నా టపాలన్నీ సదువుకో అంతేగానీ మళ్ళీ నన్నడగక్.

అందుకే ఎవరయినా వీర బ్లాగు బకరా ముందుకొస్తే పని సాఫీగ జరిగిపోతది. మీ పేరు మీద ట్యాంక్ బండ్ మీద శిలా విగ్రహం పెట్టిస్తం. నాలుగయిదు పేటలకి మీ పేరే పెట్టిస్తం, బ్లాగులో టపా రాసి లిస్టు వేయిస్తం. ఇంతకంటే ఇంకేం కావాల్నే నీకు. ఇంకా మీ గొంతెమ్మ కోర్కెలు ఏమున్నయో చెప్పుండ్రి, అయ్యన్నీ మీరు సచ్చినంక తీరిగ్గా తీరుస్తం. నమ్మకం లేదానే - తెలంగాణా వాదుల మీద ఒట్టు. రాష్ట్రానికి నా పేరే పెట్టాలని మాత్రం అడుగకుండ్రి తమ్మీ. దానికి ఒకరి పేరు ఆల్రెడీ డిసైడ్ చేసినం. ఆ వివరాలన్నీ ఇప్పుడెందుకులే గానీ అది వదిలెయ్యి, మరో మాట చెప్పుకో.
సపోజ్, బకరాలెవరూ రెడీ కాలేదనుకో. అప్పుడేం జేద్దాం? తెలంగాణోల్లనన్న సూద్దమంటరా?

ఆత్మహత్యలూ, ఆత్మార్పణలూ, బలిదానాలూ పిరికితనం తమ్మీ. మనకంటే తాలిబానోల్లు నయ్యం. వాళ్ళు ఊరుకూరికే ప్రాణాలు తీసుకోరు. తాము ఛస్తూ కనీసం పది మంది శత్రువులనన్నా చంపుతరు. అదీ స్పిరిట్, ఆత్మార్పణం స్పిరిట్. మనకు మనం ఛస్తే కిక్కు ఏముంటదే అన్నా. అది తెలంగానా బకరాల లాగా రొటీన్ బలిదానం అయితదే. మనం డిఫరెంటుగుండాలే. అందుకే ఆత్మార్పణాలూ, బలిదానాలూ క్యాన్సిల్, క్యాన్సిల్.

దేశం కుక్కలు చింపిన విస్తరి కావాల్సిందే!

(ఇవాళ నానుండి ఎక్కువ టపాలు రావచ్చు. అసౌకర్యమయితే ఈ రోజుకి మన్నించండి)

ఐతే సమైక్యం లేకపోతే దేశం ముక్కలు...ముక్కలు కావాల్సిందే. అపరగాంధీ కె సీ ఆర్ దయవల్లా మరియు మన ఏలికల వల్ల దేశం పీలికలు కావాల్సిందే. సోదరసోదరీమణులారా ఇదే అదను దేశాన్నీ మీ వంతు మీరూ పీక్కోవడానికి, లాక్కోవడానికి. తరువాత మళ్ళీ వాడు నన్ను అవమానించాడు, వీడు అవమానించాడు అని ఆత్మన్యూనతా అరుపులు అరవకుండా మీ ముచ్చటేదో ఇప్పుడే తీర్చుకోండి. అప్పుడేదో పెద్దమనుషులు (ఒప్పందాలు) అని ఊరుకున్నాం అనీ, ఇంకేదో అనీ తరువాత రోషాలూ, గీషాలూ తెచ్చుకోకుండా సందట్లో సడేమియా లాగా మీకు ఏ రాష్ట్రం కావాలో ఇప్పుడే ఏర్పాటు చేసుకోండి. మంచి తరుణం ఇదే - మించిన దొరకదు. త్వరపడుడు. కే సీ ఆర్ దయవల్ల చౌక బేరం ఇది.

మాకేం సమస్యలు లేవు, మాకేం అన్యాయాలు లేవు అని తాపీగా తువ్వాలు మీదేసుకొని పడుకోకండి. ఇవాళ కాకపోయినా రేపయినా మీ సంతానం అన్నా మున్ముందు మీ రాష్ట్రం కోసం ఉద్యమం చేసే పరిస్థితి రావచ్చు. అన్యాయాలేముంది ఎక్కడ వెదికినా కంతలు కనిపిస్తాయి. తవ్వడం మీ పని. దానికి తగ్గట్టుగా చరిత్ర అని నాలుగు ముక్కలు నేర్చుకొని ఎదుటివారి గూబ గుయ్యిమనిపించండి.

కే సీ ఆర్:        కపట దీక్ష అయిపోయిందిగా - ఇక కరాళ నృత్యం చేసుకోండి. దేశం ముక్కచెక్కలవుతున్నదిగా ఇక పండగ చేసుకోండి. ఒక చేతిలో కంకాళం మరో చేతిలో మధిరతో తాండవం చేయండి.

జై గ్రేటర్ హైద్రాబాద్ రాష్ట్రం.

పరిష్కారం - ఉమ్మడి రాజధానిగా పాత బస్తీ

తెలంగాణా, గ్రేటర్ హైదరాబాద్ రాష్ట్రాల సమస్యని హుందాగా ఎలా పరిష్కరించాలా అని ఆఫీసు గది తలుపు వేసుకొని హఠం వేసి తపస్సు ప్రారంభించాను. ఇప్పుడే నాకు లైటు వెలిగింది. మన హైద్బాద్ కంటే మంచి తలకాయ తెలంగాణాకు దొరకదు. అందుకే హైద్రాబాదుని తెలంగాణా, గ్రేటర్ హైద్రాబాదు రాష్ట్రాల ఉమ్మడి రాజధాని చేస్తే ఎలా వుంటుందేమిటి? కానీ తెలంగాణా వాదులతో ఒక ఇబ్బంది వుంది - అలా అయితే మన గ్రేటర్ హైద్బాద్ రాష్ట్రం మొత్తాన్ని తమ రాజధానిగా భావిస్తారేమో. అలాక్కాకుండా పాత బస్తీలో వారి రాజధానిని ఏర్పాటుచేసుకొమ్మంటే వారికి సరిపోతుందనుకుంటున్నాను. మహానగర్ మేధావులూ, మీరేమంటారు?      

పాత బస్తీ వారికి ఉదారంగా ఇచ్చినందుకు బదులుగా మనం యాద్గిరి గుట్టనో లేక మరొకటో గుంజుకుందాం. మనం ఏది లాగేసుకుంటే బావుంటుందో అందరూ చెప్పండి.  అలా వారితో ఒక పెద్దమనుషుల ఒప్పందం చేసుకుంటే ముందు ముందు ఇబ్బందులు, దీక్షలూ రాకుండా బావుంటుంది. 

వచ్చె వచ్చె తెలంగాణా ;)

అంతలేదు :) ఎన్నటికి? మొత్తం మీద ఇటు అమరణ నిరాహార దీక్షకీ, ఇటు కాంగ్రెస్సుకూ ఉభయతారకంగా మ మ అనిపించేసారు అందరూ. ఆ రకంగా ఈ పదకొండు రోజుల సర్కస్సుకి తెరపడింది. ఇక తెలంగాణా వాదులు అల్పానందంతో చప్పట్లే చప్పట్లు, సంబరాలే సంబరాలు. కె సీ ఆర్ దీక్ష విరమించాడు సరే. నా బ్లాగు దీక్ష సంగతి  ఏమిటి? నాక్కూడా ఏ ద్రాక్ష రసమో అందిస్తే తాగి గమ్మున పడుంటా కదా. హ్మ్మ్. నా గురించి ఆలోచించే నాధుడే లేడు. ఎవరక్కడ? మా సిద్ధాంత కర్తని ఓ ఫుల్ బాటిల్ పుచ్చుకొని రమ్మని చెప్పండి.  పుచ్చుకొని రమ్మంటే బాటిల్ అక్కడే లాగించేసి తూలుకుంటూ తీరిగ్గా నాకు నిమ్మరసం తెస్తాడేమో. పట్రమ్మని చెప్పండి. 

అసంబ్లీలో తెలంగాణాలో సముచితమయిన తీర్మానం చేస్తారట కదా. అందులో హైద్రాబాద్ కిర్కిరీ వుండాల్సిందే. నా హైద్రాబాద్ నగర వాసులారా. లేవండి, నిద్ర లేవండి. ఇదే మంచి తరుణం, మించిన దొరకదు.  మన రాష్ట్రం గురించి కూడా ఆ సముచిత తీర్మానంలో వుండాల్సిందే. మన హక్కులు, సంపద, పదవులూ,గాడిద గుడ్డూ  మనం కాపాడుకోవాల్సిన తరుణం ఇదే. అన్నింటికంటే పదవులు ముఖ్యం, అవుంటే మిగతావన్నీ ఆటోమేటిగ్గా వచ్చేస్తాయి. ఇక ఎలాగూ ఆనందంతో తలమునకలయ్యి తెలంగాణా వాదులు చల్లబడుతారు. ఇదే మనకు అదను. లేవండి హైద్బాద్ సోదరులారా లేవండి.   లేచి ఇరానీ చాయ్ సేవించండి, దం బిర్యానీ లాగించండి, ఓ రెండు బిర్యానీ పొట్లాలు నాకు పంపించండి!  


అయ్యబోబోయ్, అయ్ బాబోయ్ కొంపదీసి నిజంగానే తెలంగాణా ఇచ్చేస్తారా ఏమిటి? మనం జాగ్రత్త పడాలి. వుంటే సమైక్యాంధ్ర లేక పొతే నాలుగు ముక్కలాంధ్ర. విడిపోతే అందరం విడిపోవాలి. హమ్మా, తొండి చేసి తెలంగాణా ఒక్కటే అంటే మేము ఇక్కడ చెవుల్లో ఏమన్నా పెట్టుకున్నామా? తెలంగాణా ఒక్కటే పెద్ద తోపా? పుడింగా? అబ్బే, అదేం కుదరదు గానీ  ఇంకో మాట చెప్పండి.   హమ్మా ఆశ, దోశ, అప్పడం, ఇరానీ చాయ్, దం బిర్యానీ గట్రా గట్రా.  

నేను ఇంతకుముందే చెప్పినట్లుగా మళ్ళీ నిరాహారదీక్ష చేయడం నా వల్ల కాదు. నిరా'పాన'దీక్ష అంటే కష్టకష్టంగా ఆలోచించొచ్చు. అందువల్ల కె సీ ఆర్ దీక్షకి పుకడ్కి రెండు పిట్టలు రాలాలి. కె సీ ఆర్ భుజం మీదనో, ఏకలింగం భుజం మీదనో తుపాకీపెట్టి హైద్బాద్ రాష్ట్రాన్ని మనం కొట్టాలి. మన కోసం మనం దీక్ష చేస్తే, మనకోసం మనం పోలీసు దెబ్బలు తింటే, మన కోసం మనం తగలడితే కిక్కు ఏముంటుంది? అందుకే మహా నగర్ ప్రజలారా మన కోసమనికూడా గౌరవనీయులయిన కె సీ ఆర్ గారు ఘనమయిన దీక్ష వహించారు, కొందరు తన్నులు తిన్నారు, మనకోసమని కూడా కొందరు ప్రాణాలు త్యాగం చేసారు కాబట్టి వారి త్యాగాలని వృధా పోనీయకుండా మనం మన హైద్బాద్ రాష్ట్ర సాధన కోసం ఉపయోగించుకోవాల్సిన తరుణం ఇదే. మనం అలాంటి ఇబ్బందులు ఏమీ లేకుండా హాయిగా, నిక్షేపంగా మన రాష్ట్రం ఇదే అదనుగా సాధించుకుందాం.

గల్లీ గల్లీకి మల్లీ మల్లీ దీక్షలంటే పీపుల్ మనని దేకరు కాబట్టి అదేం వద్దు, శుబ్బరంగా ఇప్పుడే లాగించేద్దాం, ఓ పని అయిపోతుంది. లేకపోతే నా పని అయిపోతుంది. శశాంక్ మరియు కొందరు అజ్ఞాతలు నాతో ఎలాగయినా మళ్ళీ దీక్ష చేయించేసి రాష్ట్రం సాధించుకోవడంతో పాటు  నా పీడా 2012 కి ముందే వదిలించుకోవాలని కుట్ర/వ్యూహం పన్నుతున్నారు! ఒకే దీక్షకు రెండు పిట్టలు అని వారు కూడా చూస్తున్నారు. నా తరువాత పోనీ ప్రతీ జంక్షన్లో నా వేలు/చేయి చూపిస్తూ శిలా విగ్రహాలు పెడతారనే నమ్మకం వుందా అంటే అదీ లేదు.  అందుకే సోదర సోదరీమణులారా మన ఉద్యమంలో అవాంఛనీయమయిన శక్తులు దాపురించాయి - అప్రమత్తంగా వుండి నన్ను కాపాడండి.    

ఎంతయినా కె సీ ఆర్ ని అభినందించాలి. డ్రామా లాడి అయినా హైద్రబాద్ రాష్ట్రాన్ని సాధించేందుకు మార్గం సుగమం చేసినందుకు. 

మాక్కీ కిర్కిరీ.  
     

గమనిక: గ్రేటాంద్రా లో తెలంగాణా పై ఎం బీ ఎస్ వ్యాసాలు చూస్తున్నారా? చాలా బావుంటున్నాయి. 

వివరణ - సవరణ

నా వ్రాతలను గమనిస్తున్నవారికి కొద్దిరోజుల క్రితం ఉదార తెలంగాణా వాదులకు నా క్షమాపణలు తెలియజేసుకోవడం గుర్తుండేవుంటుంది. కొంతమంది మిత్రుల సూచనలు మరియు ఫణి విజ్ఞప్తి మేరకు తెలంగాణా మీద వ్రాతలను ఆపుచేసాను. ఒక నాలుగు రోజులు అలా ఆపాను కానీ నా చేతి దురద తగ్గలేదు. ఆ నాలుగు రోజులు తెలంగాణా మీద ఏమీ వ్రాయకుండా చేతులు పిసుక్కుంటూ గడిపాను. ఇక నా వల్ల కాలేదు. ఇలా మొహమాటానికి పోయి నా ఆలోచనలు వ్రాయకపోతే నా భావాలకీ, నా బ్లాగుకీ కడుపు వస్తుందని అర్ధమయ్యింది (సామెత: మొహమాటానికి పోతే కడుపొచ్చిందంట) .

ఈలోగా హైద్రాబాద్ రాష్ట్రం మీద మనసు మళ్ళింది. అది ఎత్తుకున్నప్పుడల్లా మహా సున్నితమయిన తెలంగాణా మనస్సులు నొచ్చుకోక తప్పేటట్లుగా లేదు. అందుకే అప్పటి నా క్షమాపణలను వెనక్కి తీసుకుంటున్నాను అని గమనించగలరు. అలాగే ఆ టపానూ వెనక్కి తీసుకుంటున్నాను. శరతన్నా అని రెక్వెస్టు చేసిన ఫణికి ప్రత్యేకంగా విచారం తెలియజేసుకుంటున్నాను. తెలంగాణాకీ నా అంతరంగానికీ మధ్య జరిగిన సంఘర్షణలో ప్రస్తుతానికి నా అంతరంగం గెలిచింది.

అందరి భావ స్వేఛ్ఛని గౌరవిద్దాం. కలిసివుండలేకపోతే వేర్పాటుకోసం సమైక్యంగా కృషి చేద్దాం. 

దానం నాగేందర్ కు నా మద్దతు

సమైక్య ఆంధ్రా కావాలి కానీ తప్పని సరి అయి విడిపోవాల్సివస్తే మాత్రం ఇతర ప్రాంతాల వారు ఏమన్నా చావండి కానీ మాకు మాత్రం ప్రత్యేక హైదరాబాద్ రాష్ట్రం ఏర్పడాల్సిందే. ఈ విషయంపై బాహాటంగా నినదించి  ఉద్యమాన్ని ప్రారంభిస్తున్న నాగేందర్, ముఖేష్ లకు అభినందనలు తెలియజేస్తూ ఒక హైదరాబద్ సెటిలర్ గా నా మద్దతు తెలియజేసుకుంటున్నాను.       

అన్నా మీరన్నా మన రాష్ట్రం కోసం నిజమయిన ఆమరణ నిరాహార దీక్ష చేయండన్నా!   మీ దీక్షకు మా నైతిక మద్దతు (మాత్రమే) వుంటుందన్నా.

జై హైద్బాద్,  జై జై హైదరాబాద్. 

హాయ్ హాయ్ హైదరాబాద్!

రాత్రి హైద్బాద్ తల్లి కలలోకి వచ్చి నిన్న వ్రాసిన సమైక్య తెలంగాణా టపాకు గాను బాడ్కావ్ అని తిట్టి బుద్ధి చెప్పి వెళ్ళింది. అందుకే ఇప్పుడు హైదరాబాద్ హాయ్ హాయ్ అంటున్నా. ఆ తల్లి బురఖా వేసుకుందా అని తెల్లారి అనుమానం వచ్చింది కానీ రాత్రి పూట కల కదా. సరిగ్గా కనపడలేదు.

ఎప్పుడో చిన్నప్పుడు తలంగాణాలో వున్ననేమో. ఇప్పుడు ఎల్ బి నగర్ లో ఇల్లుంది, మియాపూరులో స్థలం వుంది. మనకు పర్సన్స్ ఆఫ్ ఇండియన్ ఆరిజిన్ కార్డూ వుంది. అంటే మరి నాది హైద్బాద్ కాకపోయినా గ్రేటర్ హైద్బాద్ అన్నట్లే కదా. నిన్న హైద్బాద్ తల్లి తిట్టి బుద్ధి చెప్పిన దగ్గర నుండీ నాలో హైదరాబద్ సెంటిమెంటు ఓ తెగ పెరిగిపోయింది. సెంటిమెంటు ఎవరి గుత్త హక్కు కాదు కదా. మాకూ వుంటాయి సెంటిమెంట్లు. ఈ హైద్బాద్ సెంటిమెంటు ఎందుకొచ్చింది, దాని అవసరం ఏమిటి అని మీకు సహజంగానే వస్తాయని నాకు తెలుసు కానీ జవాబులు నాకేం తెలుసు? తెలుసుకోవాలని దురదవున్నోళ్ళు ఇంటర్నెట్టులో చరిత్ర చదువుకొని గోక్కోవాలి.  నాకయితే ఆ దురదలేదు - మనమసలే చరిత్ర హీన్. 

మరి తెలంగాణాకి హైద్బాద్ తలకాయ కదా అని నసుగుతున్నారా? అందుకే మేము దానిని మీకు ఇవ్వం అంటున్నాం. ముఖ్యమయింది కాబట్టె మాది అంటున్నాం, మూలకున్నదయితే మాకెందుకు. అయినా మీకు ఎలా అనిపిస్తే మాకెందుకు - సమైక్య ఆంధ్రా ని మీరు తూచ్ అన్నప్పుడు మరి మేమెందుకు సమైక్య తెలంగాణాని తూచ్ అనకూడదు? మీదయితేనేమొ సెంటి మాదయితేనేమో మట్టినా? నోప్.


సరే, సరే. మీరూ ఇప్పుడే గొడవ చేయాలా - జర ఆగుండ్రీ అంటున్నారా? మళ్ళీ దీనికోసం ఎవరు దీక్ష చేస్తారు? నా వల్ల అయితే కాదు. నేను ఏది చేసినా, తప్పు చేసినా నిజాయితీగా చేస్తాను. నాటకాలు తెలవ్వు. తెలంగాణా వస్తే మటుకు హైదరాబాద్ ప్రత్యేక రాష్ట్రం కావాల్సిందే. అందుకోసం నా బ్లాగుని త్యాగం చేయడానికయినా నేను సిద్ధం! ఒక పూట భోజనం మానేయమన్నా సిద్ధం - రెండు పూటలంటే కష్టం సుమీ. అయినా సరే పబ్లిక్కు డిమాండ్ ఎక్కువగా వుంటే రెండు పూటలు ట్రై చేస్తా. ముందే చెబుతున్నా హైద్బాద్ విద్యార్ధులారా, నాది ఆమరణ నిరాహార దీక్ష కాదు. మళ్లీ నన్ను ఇబ్బంది పెట్టి మొహమాట పెట్టొద్దు. హైద్బాద్ ప్రత్యేక రాష్ట్రం ఎందుకు కావాల్నో, అందువల్ల వచ్చే లాభాలేంటో మా హైద్బాద్ సోదరులు నా ఇతర  టపాలలో వ్యాఖ్యల ద్వారా వివరించారు. అది కూడా మా చరిత్రే. హైద్బాద్ రాష్ట్రం వద్దు అనుకునేవాళ్ళు మా చరిత్ర అంతా చదువుకొని ఆ తరువాత మాత్రమే కామెంటెయ్యండి.

ఇప్పుడే అందిన వార్త. మా హైద్బాద్ సోదరులు శశాంక్ భాగ్యనగర రాజ్య పార్టీ పెట్టారు. అందులో అందరూ చేరండి. ఆలసించిన ఆశాభంగం. ముఖ్యమంత్రి, సిద్ధంతకర్త పదవులు మాత్రమే కావాలంటే కుదరదు. అవి ఆల్రెడీ బుక్ అయ్యాయి. మంత్రి పదవులు గట్రా వున్నాయి. త్వరపడుడు.   
http://aakasam.blogspot.com/2009/03/blog-post_20.html 


ప్రత్యేక హైద్బాద్ రాష్ట్రం గురించి పొరాడుతున్న నాయకులు ముఖేష్ గవుడ్, దానం నాగేందర్ జిందాబాద్. మాకు ఎవరు ఏ పార్టీ అన్నది ముఖ్యం కాదు.  ఎవరయితే ఈ ఉద్యమానికి/ఉన్మాదానికి మద్దతుఇస్తారో వారే మాకు ముఖ్యం.

తెలంగాణా సోదరులకు విజ్ఞప్తి: మీ లాగే ఇది వేర్పాటు వాదం కాబట్టి, సమైక్య వాదం కాదు కాబట్టి మా సెంటిమెంటుని కూడా మీరు సవ్యంగా అర్ధం చేసుకుంటారనిన్నీ, మాకు మద్ధతు తెలుపుతారనిన్నీ ఆశిస్తున్నాం. 

హైదరాబాద్ ప్రత్యేక రాష్ట్రం వద్దు మహా ప్రభో!

ఏదయినా తెలంగాణా ఉద్యమానికి వ్యతిరేకంగా వ్రాస్తే ఒకరు మాడు మీద ఓహటి ఇచ్చుకునేట్టుగా వున్నారు, ఒకరు ఆ చెంపా ఈ చెంపా వాయించేట్లుగా వున్నారు, మరొకరు ఏవీ వ్రాయకుండా నా పెడరెక్కలు విరిచిపట్టుకునేట్టుగా వున్నారు, మరొకరు బాబ్బాబ్బూ వ్రాయకేం అని గడ్డం పట్టుకొని బ్రతిమలాడేట్టుగా వున్నారు, మరొకరు కాళ్ళు పట్టుకొని ప్రాధేయపడేట్టుగా వున్నారు, మరొకరు ఆ కాళ్ళే గుంజి కింద పడేసేట్టుగా వున్నారు. ఎందుకొచ్చిన గొడవలే అని మరోలా వద్దామనుకుంటున్నా. మరో వైపు 'శ్రీధర్ రాజు - షికాగో '  తో ఏకలింగం మా ఇంటిమీద రెక్కీ చేయించేట్లుగా వున్నారు. అందుకే ఒళ్ళు దగర పెట్టుకొని తెలంగాణా ఉద్యమానికి మద్దతుగా ఈ టపా వ్రాయాలని తీర్మానించుకున్నాం.  

అనగనగనగా కే సీ ఆర్ దీక్ష ఫలించి తెలంగాణా ఇవ్వాలని సోనియమ్మ డెసైడ్ అయ్యిందనుకోండి - అప్పుడేమవుద్ది? హైదరాబాద్ మీద పీటముడి పడిపోద్ది. హైద్బాద్ తెలంగాణాలోనిదా లేక  ప్రత్యేక రాష్ట్రం కావాలా అని మళ్ళీ ఫైటింగులు, అమరణ దీక్షలూనూ. ఇక్కడే మా గొప్ప అభిప్రాయం సెలవివ్వాలని డిసైడ్ చేసిన.

ఓ ముప్పయ్ ఏళ్ళ క్రితం మా ఊరి నుండి వలస వచ్చి సూర్యాపేటలో సెటిల్ అయినం. అంటే అక్కడ మేము సెటిలర్సుమి అన్నమాట.  అక్కడో పదిహేనేళ్ళు వుండి హైద్బాద్ జంప్ చేసినం. అంటే అక్కడ సెటిలర్సుమి అయ్యామన్నమాట. అక్కడో ఇల్లు కొని పెడితే మా అమ్మగారు అందులో వుంటున్నారు. మా అక్కలూ, అన్నలూ ఇతర బంధువర్గం చాలా వరకు అటు కూకట్పల్లి ఇటు ఎల్ బి నగర్ ఆక్రమించుకొని ప్రశాంతంగా రాజ్యం ఏలుతున్నారు. ఇప్పటిదాకా అంతా బాగానే వుంది బాస్. మేము కాకపోయినా మా అక్కా, బావలు,మా ఇతర బంధువులూ  కూకట్పల్లి ఏరియాలో రియల్ ఎస్టేట్ వ్యాపారం చేసి అక్కడున్న భూములు బాగానే సేకరించారు - అలా అలా అన్ని విధాలా ప్రాబల్యం సంపాదించుకున్నారు. బావుంది, బావుంది, భేష్.  

తెలంగాణా ప్రత్యేక రాష్త్రం అయినా కాకున్నా మాకు పెద్దగా ఢోకా ఏమీలే కానీ హైద్బాద్ సెపరేట్ స్టేట్ అయితే మేము అక్కడ సెట్లర్సుమి కదా. ఇవ్వాళ గాకపోయినా రేపు అయినా అక్కడున్న పాత సిటీ నవాబులు హైద్బాద్ మాదే అని మమ్మల్ని సూర్యాపేట్ భాగో అనరని గ్యారంటీ మీరిస్తరా?  మరి ఇప్పుడు మేమేం చెయ్యాలే? సూర్యాపేట్ ఛల్ అని హైద్బాదోళ్ళు అనకముందే ఇళ్ళూ, ఆస్థులూ అడ్డికి పావుసేరుకి అమ్ముకొని ఛలో సూర్యాపేట్ అనుకుంటూ బయల్దేరాల్నా. జర చెప్పరాదే అన్నా. 

అందుకే తెలంగాణా రాష్ట్రంలోనే హైద్బాద్ వుండాలని డిసైడ్ చేసిన. అది తెలంగాణా తలకాయ. తలకాయ కోసి ఇస్తమా ఏంది? అయన్నీ జరగవ్. మరి ఆంధ్రప్రదేశ్ కి కూడా తెలంగాణా తలకాయనే కదా అంటున్నవా. నా తలకాయ. అవన్నీ తెల్వదు. జాంతా నై.  హైద్బాద్ తెలంగాణాలోనే వుండాలే, తెలంగాణా సల్లగుండాలే. ఏమంటరు? మల్లెప్పుడన్నా సూర్యాపేటోల్లు కూడా చల్ మీ ఊరికి పో అనరని నమ్మకమేంది అంటున్నవా అన్నా. ఏమో, గది నాకేం తెల్సు. అప్పటి సంగతి అప్పుడు జూసుకుందాం. ఇప్పుడయితే హైద్బాద్ సెపరేట్ చేస్తే సూర్యాపేటకి ఉరుకుడే. ఇజ్జత్ సంపుకొని హైద్బాద్ లో బత్కుతమా ఏంది. చల్తా నై.   భాగో..భాగో... సూర్యాపేటా వాలే భాగో.

అందుకే జిందాబాద్! 'సమైక్య' తెలంగాణా రాష్ట్రానికే జిందాబాద్!!

సాధిద్దాం! నల్లగొండ రాష్ట్రం సాధిద్దాం!

కే సీ ఆర్ గురించి వెటకారంగా వ్రాస్తే నెనేదో సమైక్యవాదిని అని కొందరు అనుకుంటున్నారల్లే వుంది. అస్సలు కాదు. నేను పక్కా వేర్పాటు వాదిని. ఇంకా చెప్పాలంటే వేర్పాటు, వేర్పాటు వాదిని. ప్రపంచ వ్యాప్తంగా వున్న నల్లగొండా జిల్లా సోదర సొదరీమణులారా నా నాయకత్వంలో ఏకం కండు. వెంఠనే నల్లగొండ రాష్ట్ర సమితిలో చేరండి. విరాళాలు తక్షణం పంపించండి. ఆంధ్రా, తెలంగాణా, రాయలసీమ, మాహారాష్ట్ర, బీహార్ ప్రాంతాలనుంది వచ్చిన సెటిలర్లు తక్షణం జిల్లా వదలిపెట్టిఫోవాలి అని ఈ సందర్భంగా డిమాండ్ చేస్తున్నాను.   

ఇతర డిమాండ్లు:
- సూర్యాపేటని నల్లగొండ రాష్ట్ర రాజధానిగా చేయాలి. (ఎందుకంటే ఏం చెప్పను. అన్నీ పబ్లిగ్గా చెబితే బావుండదు. మా స్వంత ఊరినుండి వచ్చి అక్కడ చాలా కాలం సెటిల్ అయ్యాము. అందుకే నాకు సూర్యాపేట అంటే ఆపేక్ష)

- నల్లగొండ జిల్లా ప్రత్యేక రాష్ట్రం అయ్యాక రాష్ట్రం పేరు మార్చాలి. ఏం పేరు పెట్టాలి? ఏం పేరు పెట్టాలో మీకు వీజీగా స్ఫురించి వుండాలి. ఇంకా అర్ధం కాలేదా? ఎవరు నల్లగొండ రాష్ట్రం కోసం ఉద్యమం మొదలుపెట్టారు? ఎవరు ఆ రాష్ట్రం కోసం ప్రాణాలొడ్డుతున్నారు? ఎవరు సమైక్యవాదులని గట్టిగా ఎదిరిస్తున్నారు? మరీ నా పేరు నేను చెప్పుకోవడం అంతగా బావోదు కదా. 

- పేరుకి నాగార్జున సాగర్ ఆనకట్ట వున్నది మన జిల్లలోనే కానీ నీళ్ళు అన్నీ ఇతర జిల్లాలకే. అందుకే వెంటనే కుడి, ఎడమ కాలువలకి తక్షణం ఆనకట్టలు కట్టి వాటికి మళ్ళీ  కాలువలు తీసి కేవలం నల్లగొండ జిల్లా ఆయకట్టుకు మాత్రమే నీరు అందించాలి! 

- మరికొన్ని ముఖ్యమయిన డిమాండ్లు త్వరలో విడుదల.  సిద్ధాంతకర్త నియమితమయిన తరువాత చరిత్ర గట్రా అంతా తవ్వించి కొత్త డిమాండ్లు వెలికితీయిద్దాం.     

నేను ఇలా అనడం ఇతర జిల్లాల వారికి నచ్చకపోవచ్చు. ఈ సందట్లో సడేమియాలాగా మీ జిల్లా కూడా ప్రత్యేక రాష్ట్రం కావాలని వెంటనే ఉద్యమించండి. మీకు మా న.రా.స మద్దతు వుంటుంది. ఇలా అన్ని జిల్లాలూ రాష్ట్రాలు అయ్యాక జల పంపకాలు తదితర విషయాలపై తీరిగ్గా కొట్టుకుందాము.  ఈలోగా నక్సలైట్లు అన్ని చిన్న రాష్ట్రాల పాలనలను చేజిక్కించుకుంటారు. శుభం.    

జిందాబాద్! నల్లగొండ రాష్ట్రం జిందాబాద్!!

జిందాబాద్! నల్లగొండ రాష్ట్ర సమితి జిందాబాద్!!

ముర్దాబాద్! నల్లగొండ విమోచన సమితి ముర్దాబాద్!!

వీడు అందరివాడా? కొందరివాడా?

నిన్న, మొన్న కె సీ ఆర్ గురించి కామెడీ చేయాలనుకున్నప్పుడు ఒక ధర్మ సందేహం వచ్చింది. అభిమానించినా, అభిమానించకపోయినా నా బ్లాగు చదివే వాళ్ళలో కొంతమని తెలంగాణా వాదులు కూడా వుండవచ్చు. వాదులు అయితే సమస్య లేదు కానీ తెలంగాణా తీవ్రవాదులు లేదా తెలబాన్లు (తెలంగాణా తాలిబాన్లు) అయితే నా బ్లాగు బహిష్కారం చేస్తారేమోనని సంశయంలో పడ్డాను.  ఆయా భావాలతో ఏకీభవించినా ఏకీభవించకపోయినా నిజాయితీగా ఉద్యమించే తెలంగాణా వాదులన్నా, నాయకులన్నా నాకు గౌరవం వుంది కానీ రాష్ట్ర రాజకీయ తెర మీద కె సీ ఆర్ లా కామెడీ చేసేవారంటేనే మనకు చిరాకు.     

ఒక్క తెలంగాణా విషయమనే కాకుండా ఇంతకీ బ్లాగు నా ఇష్టాలని బట్టి వ్రాసుకోవాలా లేక ఇతరుల ఇష్టాయిష్టాలని బట్టి వ్రాసుకోవాలా అనే ప్రశ్న వచ్చింది.  మెజారిటీ ప్రజల మనోభావాలను బట్టి వ్యాపారాత్మకంగానో, రాజకీయాత్మకంగానో నడిచే సంస్థలు చాలా వున్నాయి. కనీసం బ్లాగుల్లో కూడా మనకు నచ్చింది, మనకు సరి అయినది వెల్లడించుకోలేకపోతే ఎలా? ఎప్పుడు ఎవరి మనోభావాలు గాయపరుస్తామో, ఎప్పుడు ఎవరు దూరమవుతారో అని కూర్చుంటే పెద్దగా ఏమీ వ్రాయలేం.  కొద్దొ గొప్పో వ్రాసినా వైవిధ్యం వుండదు అందులో. 

అందుకే ఎవరికి నచ్చినా నచ్చకపోయినా నాకు అనిపించింది నేను వ్రాసేయాల్సిందేనని తీర్మానించుకున్నా. నా భావాలలో, అభిప్రాయాలలో సరిదిద్దుకోవాల్సిన ఆశాంలేమయినా వుంటే ఆ ప్రాసెస్ ఎప్పుడూ జరుగుతూనేవుంటుంది. నేను కన్విన్స్ అయినప్పుడు తప్పకుండా నా ఆలోచనా ధోరణిని, మైండ్ సెట్ ని మార్చేసుకుంటాను. 

ఇలాంటి సందేహమే ప్రతి బ్లాగర్ కీ ఎప్పుడో ఒకప్పుడు వచ్చేవుంటుంది. మీరు ఎలా ఆలోచించారు? ఎలాంటి నిర్ణయం తీసుకున్నారు?  

నేనూ ఒక అమరణ (ఆమరణ కాదు) నిరా .... దీక్ష మొదలుపెట్టా!

డ్యాష్ లో మీకు ఇష్టం వచ్చింది పూరించుకోవచ్చు. నిన్నటి నుండీ దేని మీద దీక్ష చేస్తే బావుంటుందా అని తెగ ఆలోచించా. చాలా ఆలోచనలు వచ్చాయి. ఇవాళ ఒక చక్కటి కారణం స్ఫురించింది.

చుట్టుముట్టు సూర్యాపేట - నట్టనడుమ నల్లగొండ అనే పాట చరణాలు మీరు వినే వుంటారు. అదిగదిగో ఆ సూర్యాపేటకి దగ్గర్లోని ఒక పల్లెటూరులో పుట్టాడు ఒక గొప్ప వ్యక్తి. ఎవరో కాదు - నేనే మరి. చప్పట్లు కొట్టండెహ.

మరి ఆ ఘనమయిన ఊరు పేరు కూడా చెప్పి దానికీ ఓ చరిత్ర కల్పించవచ్చు కదా అని మీకు ధర్మసందేహం వస్తుందని నాకు తెలుసు. హమ్మా నేను చెప్పను గాక చెప్పను. ఎందుకంటే దానికి ఓ ఫ్లాష్ బ్యాక్ వుంది మరీ. కొన్నేళ్ళ క్రితం కె సీ ఆర్ ని విమర్శిస్తూ మా ఫ్రెండ్ ఒకడు చాలా చక్కగా వాగితే అది రికార్డ్ చేసి నా యూట్యూబ్ వీడియో ఛానల్లో పెట్టాను. అప్పటినుండీ నాకు ఆ వీడియో కామెంట్స్ లోనూ, ఈమెయిళ్ళ  ద్వారానూ ఆ వీడియో తీసివేయాల్సిందిగా ఒ తెగ విజ్ఞప్తులు, డిమాండ్లు, బెదిరింపులూ వచ్చాయి. అప్పట్లో నా బ్లాగులోనో, వెబ్ సైటులోనో, ఎక్కడో నా స్వంత ఊరు అని మా ఊరు పెట్టుకున్నా. మనాళ్ళు నా మీద తెగ రిసెర్చ్ చేసి అది కనిపెట్టి నీ ఇంటికి వచ్చి తంతాము, నీ నట్టింటికి వచ్చి తంతాము అని బాలక్రిష్ణ లెవెల్ లో ఈమెయిల్ లోనో, కామెంటులోనో బెదిరించారు :(   అప్పటినుండీ ఎందుకయినా నా వంటికి గట్రా మంచిదని నా స్వంత ఊరు గట్రా నా బ్లాగులో వేసుకోను (ష్! నా స్వంత ఊరు వదిలి చాలా దశాబ్దాలు అయ్యిందని ఆ గొర్రెలకు ఎన్నడు అర్ధం అవాలిలెండి)    

సరే. ఫ్లాష్ బ్యాకు అయిపోయింది కదా. ఇక అస్సల్ విషయానికి వద్దామేం. నేను నల్లగొండ జిల్లాలో పుట్టాను కదా. ఆ జిల్లాకు ఎన్ని అన్యాయాలు జరుగలేదు? తె రా స నే చూద్దాం. అందులోని ముఖ్యనాయకుల్లో నల్లగొండోళ్ళు ఎంతమంది వున్నారేంటి?  వివరాలు నన్ను అడక్కండి. తవ్వితే ఎక్కడో ఒహ చోటన్నా అన్యాయం వుండకపోదు. అవన్నీ, నేను ఎప్పుడన్నా జ్యూసు తాగితే అది తెలంగాణా సమైక్యవాదుల కుట్ర అని చెప్పేలాంటివన్నీ మా సిద్ధాంత కర్త చూసుకుంటారు. అన్నట్లు ఆ పదవి ఖాళీగా వుంది - ఫారిన్నుండి కూడా దానికోసం అప్లయ్ చేసుకోవచ్చు.  

అన్నట్లు నా ఉద్యమానికి పేరేం పెట్టానో అనే సందేహం మీకు వచ్చిందా? న రా స. నల్లగొండ రాష్ట్ర సమితి. కె సీ ఆర్ సచ్చుడో, తెలాంగాణా వచ్చుడో జరిగిపోయాక నా ఉద్యమాన్ని తీవ్రతరం చేస్తాను. ఆ తదుపరి ఇంకా ఇంకా నల్లగొండ జిల్లా గల్లీ గల్లీలో మళ్ళీ మళ్ళీ ఆమరణ నిరాహార దీక్షలు చేస్తుంటాను. అలాంటి ప్రతి గల్లీ గల్లీలో మళ్ళీ మళ్ళీ నాకు రంగు నీళ్ళు ఇచ్చి దీక్ష విరమింపజెసేందుకై తగిన అర్హతలు మా సిద్ధాంత కర్తకు కావాలి. మీరు ఆ పోస్టుకు అప్లయ్ చేయాలనుకుంటే మీకు నిమ్మరసం చేయడం, చిన్న పిల్లాడికి త్రాగించినట్లు త్రాగించడం చేతనవునో లేదో చూసుకోండి. వెరయిటీగా స్త్రీ సిద్దాంత కర్త అయితే మేధోమధనం (చింతన్ బైఠక్!) చేయడానికి ఇంకా ఊపు వస్తుంది.   

నా ఉద్యమం కోసం గాను కొన్ని స్లొగన్లు వ్రసుకుంటున్నాను. మీరూ స్లొ గన్లు విరాళం ఇవ్వచ్చు. విరాళం అంటే గుర్తుకువచ్చింది - నల్లగొండ జిల్లా ఎన్ ఆర్ ఐ లందరూ తక్షణం కనీసం 500 డాలర్లు విరాళం పంపించండి. నేను ముఖ్యమంత్రి నయ్యాక, మన ప్రభుత్వం అయ్యాక ఒక్కొక్కరికీ ఒక్కొక్క గనీ వ్రాసిస్తాను. ఎవరు ఎక్కువ విరాళం ఇస్తే వారికి నాగార్జున సాగర్ వ్రాసిస్తాను. నేను వున్నాను కదా. ఖంగారు ఏమీ లేదు.

స్లో 'గన్' ల వద్దకు మళ్ళీ వద్దాం.
'తెలంగాణా సమైక్యవాదుల కుట్ర నశించాలి''
'శరత్ కాలం అమర్ రహే ' ( నిజంగా పోతానని కాదు. ప్రజల్లో సెంటిమెంటు నిలపడం కోసం. ఏదున్నా లేకున్నా సెంటిమెంటు ముఖ్యం. అందుకే దానికి అప్పుడప్పుడయినా ఆయిల్ పూస్తుండాలి) 
'సరత్ సచ్చుడో - కాలం కాలం చేసుడో - నల్లగొండ నింగికి ఎగురుడో    మీకేమన్నా అర్ధమయ్యిందా? నాకేమీ అర్ధం కాలే. అయినా అర్ధంది ఏముంది చెప్పండి - సెంటి సెంటు ముఖ్యం గానీ.
'తెలంగాణా దోపిడీ నశించాలి, నల్లగొండ నీల్గుడు వర్ధిల్లాలి'
'రేపు అనేది నాకు వుంటుందో లేదో. సూర్యాపేట కొత్త బస్సు స్టాండు ఎదురుగా నాలుగు రోడ్ల జంక్షను వద్ద నాకు గోరీ - సారీ - స్థూపం కట్టించండి  ఇది కూడా స్లొగనేనా? ఏమో ఎవరికెరుక. మా సిద్ధాంతకర్త వచ్చినంక గవన్ని చూస్కుంటడు.   

అన్నట్లు భాష ఘోష కూడా ముఖమే కదా. నల్లగొండలో గోస అంటరా ఏంది. ఏమో నాకు తెలవది. సూర్యాపేట తాననుండి పట్నం బోయి ఆ తానన్నుండి ఫారిన్ బోతే ఇంకా నల్లగొండ బాస ఎట్ల మస్థికొస్తది? నల్గొండ బాస మీద ఒక అధికార నల్లగొండ తెల్గు కమిటీ ఏయిస్త లెదారే. దాన్ని గూడ ఈతెలుగోళ్ళు పటాయించకుండా జూస్త.    

ఏ నల్లగొండ పోరీలూ, పోరగాళ్ళూ - ఇకనన్నా ఈ శరత్ కాలం కి జై చెప్పరాదుండ్రి. న రా స జిందాబాద్ అనుండ్రి. తెలంగాణోల్లు మట్టిల కలవాలే మనం, మన రాష్ట్రం మాణిక్కం లాగ మెరవాలే. ప్రత్యేక నల్లగొండ కూడలి కావాలే. అందులో నల్లగొండా బాసలోని బ్లాగులె వుండాలే. ఆ గది తమ్మీ - గిప్పుడు నా సంగతి బాగా ఎర్కయిందానే. కాసిన్ని రంగునీళ్ళొ, నిమ్మ రసమో ఇటియ్యరాదే.  కొంపదీసి నిజంగానే నల్లగొండ రాష్ట్రం ఇచ్చేస్తే ఎట్లనే అన్నా అంటున్నావా నల్లన్నా? ఏం కాదులేవే, అప్పుడు సూర్యాపేట రాష్ట్రం ఎత్తుకుందాం - నల్లగొండ నశించాలి అందాం.

కదలి రండి..కదలి రండి...కదలి రండి గొర్రెలయితే....ల ల లా...ల ల.. లా. 

తెలంగాణా గొర్రెలు

నేను కూడా తెలంగాణా వాడినేలెండి (ఒకప్పుడు). కె సీ ఆర్ అనే పెద్ద గొర్రె నిరాహార దీక్ష అని వెల్తుంటే ఓ పోలోమని మద్దతిచ్చారు తెలంగాణా మేధావులూ, ఉద్యోగులూ, విధ్యార్ధులు. కె సీ ఆర్ పానకం తాగి దీక్ష విరమించాక గానీ ఈ గొర్రెలకి తెలివిరాలేదు. అప్పుడు కె సీ ఆర్ మీ ద శివాలెత్తిపోయారు. కె సీ ఆర్ గురించి అర్ధం కావడానికి ఇంత సీన్ అవసరమా! మిగతా జనాలందరికీ ఎంతో తేలిగ్గా, ఎప్పుడో అర్ధమయిన బఫూన్ వేషాలు ఈ గొర్రెలకి ఇప్పటిదాకా ఎందుకు అర్ధం కాలేదో నాకు అర్ధం కాదు.     

ఏమన్నా అంటే ఈ మాత్రం తెలంగాణా సెంటిమెంటు బ్రతికిందంటే కారణం కె సీ ఆర్ కారణం కాదా అంటారు. సెంటిమెంటు బ్రతకడం ఏమో గానీ ఉద్యమాన్ని మంటగలుపుతున్నాడన్న విషయం ఈ గొర్రెలకు ఇప్పటికయినా పూర్తిగా అర్ధమయ్యిందా అనేది సందేహమే. ఇప్పుడు ఈ శాల్తీ మళ్ళీ దీక్షా నాటకాలు ఆడుతున్నాడు కాబట్టి ఏ కారణం వల్లో పుటుక్కున ఆ బక్క ప్రాణం గాల్లోకి లేచిపోతే ఈ బఫూనుకి మరో పొట్టి శ్రీరాములు అంత సీన్ ఇచ్చేస్తారేమోనని దడగా వుంది. అలాంటి ఉపద్రవం జరగకుండేందుకయినా ఆయనగారు మరో సారి పానమో, పానకమో తాగి చప్పున తన మానాన తను పడి వుండిపోతే/పడుకొనివుండి పోతే బెటరేమో.    

రాష్ట్రంలొ జరుగుత్తున్న సర్కస్ చూస్తుంటే నాకూ ఎందుకన్నా నిరాహార దీక్షనో, ఏ నిరా... దీక్షనో లేక నీరా దీక్షనో చేయాలని అనిపిస్తోంది. కనీసం ఇది చదువుతున్న బ్లాగ్మిత్రులన్నా వద్దు వద్దు, అంత పని చేయొద్దు అని ఆపుతారో లేక ఒక సారి చెప్పాక కమిటయ్యి పోవాలని అయ్యేదాకా వేడుక చూసేస్తారో. అయినా అలాంటిదేమన్నా చేసేదుంటే ముందే కె బ్లా స సభ్యులతో పక్కాగా ప్రణాళిక రచించి ఓ పూట గడవకముందే నాకు పాలు త్రాగించే పూచీ లేకుండా ఎలా పంతాలకి పొతాననుకున్నారూ.     

ఇప్పుడు చెప్పండి. ఏ విషయం మీద ఆమరణ నిరాహార దీక్ష చేయమంటారు? ఎవరెవరు నన్ను ఆపుతారు?  మీలో ఎవరు నాకు మందో, మధిరనో, విందో నాకు ఇచ్చి దీక్ష విరమింపజేస్తారు? మరీ గంటలగ్గంటలు చేయాలంటే కష్టం. నిమిషాలు అయితే ఓక్కే. హాయిగా వున్న కె బ్లా స సిద్ధాంత కర్త పదవి నుండి నన్ను దింపేసి అధ్యక్ష పదవి బలవంతంగా కట్టబెట్టేరు కనుక ఈమాత్రం త్యాగాలు చేయక తప్పదు కదా. చేయకపోతే కె బ్లా స సెంటిమెంటు బ్లాగుల్లో ఎలా నిలబెడుతుందీ?   మీడియా కవరేజి అంత సీన్ మనకు లేదుకాబట్టి కనీసం బ్లాగుల్లోనయినా నాకు మాంఛి కవరేజీ రాకపోతే నా ఇంత త్యాగమూ వృధా అవుతుంది. మరి ఈ విషయం మీద మీరందరూ దృష్టి సారించాలి.